هذه مجاراة من نسج الخيال بين الشاعر الكبير صقر النصافي و الذئب
الشاعر:صقر النصافي
يا ذيب وش علّمك تهيض لساني ××× بعواك يوم إن المخاليق غافين.
الذيب:
انا بلايه قو جوعن حداني ××× الليل قمرا والضوارى فواطين.
الشاعر:صقر النصافي
ياذيب حسّك فى منامي شعاني ××× لولا الحيا جاوبت صوتك بصوتين.
الذيب:
عزي لمن مثلي جداه اقنباني ××× ماله جدا والناس ما هم بمعطين.
الشاعر:صقر النصافي
ياذيب ياللي بالخلا ما تداني ××× ما شفت لي حول الثميله ابويتين .
الذيب:
مريت لى بيتين يا مودماني ××× عنها شمال وفى ظبطها مقيمين .
الشاعر:صقر النصافي
ياذيب ما قاربتهم باختلاني ××× يا كود تبخص فى فريق اريش العين.
الذيب:
انا الذى من شاف زولي نحاني ××× ما احرزت اجيهم خابرن غيبهم شين.
الشاعر:صقر النصافي
يا ذيب ما عينت صافي الثماني ××× عند الغنم والاّ يرد البعارين.
الذيب:
انا ما اعرف الصاحب المرحباني ××× والناس واجد والعذارى مزايين.
الشاعر:صقر النصافي
ما رّيته ياذيب عوده لياني ××× والنور بين اقذيلته والحجاجين .
الذيب:
هذاك انا قبل امس شفته وجاني ××× من كثر دمعه مخفين محجر العين .
الشاعر :صقر النصافي
الله يوفقك الشياه السمانى ××× من مال كرهين الوجيه البخيلين
المصدر: ديوان الشاعر صقر النصافي