يا نديم العُمر .. يا راعي الجميل = يا نبيل الطبع .. يا سِــــيد الكرام
يا فتيّ الفعل .. يا القرم .. النبيل = يا حشيم .. و يا عزيز و يا هُمام
يا عريب المنسبين .. ولا تميل = تمشي بدرب السمو بلا زحام
التفت لي .. في سؤال ولا تخيل = دامني أعلنت موقف باحترام
بسألك عن حالهم و اللي عليل = هو عليل أو صار ذا الليلة تمام ؟
البشر يمشون من دون الدليل = في دروب الضعف و الليلة ظلام
أسألك وش خانة الرجل القليل = لا بدت أم المعارك بالخصام
لا ظهر بقناع عز .. و مستحيل = يرتسم ذاك القناع بكل عام
أنت أكبر .. من سؤالي والحصيل : = نعرف الوجه ..! و نحطه بالمقام
وللسنين آلام .. و الدرب الطويل =و التعب مقسوم لو زاد الكلام [/poem]