ندور نقل من صليبيخ الى حفرالباطن ( ص ل ي ب ي خ ) ماهو صلبوخ

[نادر وجودي]

بسم الله الرحمن الرحيم


اخواني انا ابي اساعد اخوي الي اكل الدرب دايم رايح جاي له خمس سنين بالخبر بالظهران

يداوم في جمعية الهلال الاحمر ( فني اسعاف ) والحين يداوم بصليبيخ بين الرياض والشرقيه

يعني الان 700 كم يمسدها في يداوم يومين يطلع 6 ايام او يداوم 5 ايام يطلع 15 يوم

وهو الان يدور النقل الى الصحه بالحفر الي عنده خبر تكون يخبرني


والتوفيق للجميع

[ابو ابراهيم]

ان شاء الله تحصل مطلوبك

[اللاسلكي]

الله يمسيك بالخير اخوي نادر وجودي وعسى الله ان يحقق رغبة اخوك ونيقل للحفر
ولكن عليك الذهاب للشؤن الصحيه وتبحث عن رقم وظيفي لاخوك في الحفر (لاتروح اذا مامعك واسطه)
في الشؤن الصحيه

[بحّة الشوق]

بالتوفيق يالغالي وإنشالله اخوك يلقاله نقل للحفر...
لكن جرّب إدخل على الخمعلي وكلمه على وضع اخوك
يمكن يضبطك اوشي ...

خصوصا الحين بعد يبون اللي عنده مثل تخصص اخوك والمستشفى المركزي قريب يفتح وعندك بعد المستوصفات الصحيه.

واخوك مشاء الله عنده خبره يعني الافضليه له
توكل على الله ودش عليه ((الواحد لازم يتحرك شوي))
وبالتوفيق يالغلا..

[عبود الحفر]

الله يكتب اللي فيه خير

[وايلي501]

قله يروح اداره الطوارئ بوزاره الصحه ((النقل الاسعافي))

جميع الشباب المسعفين اللي معنا طلعت اساميهم وافتكينا من النفسيه الهلال الاحمر


ونزل له موضوع مداقشه بمنتديات وزاره الصحه

[سفير الصمان]

الله يوفق اخوك وينقل بحفر الباطن
ويقدم خدمة لابنا الحفر

[نادر وجودي]

الله يعطيكم العافيه اخواني ومشكورين

[أبوفيصل]

الله يوفق أخوك يا نادر وينقل للحفر ..

[نادر وجودي]

الله يسمع منك يابو فيصل وجزاك الله خير