الشعب الحفراوي يريد أقل من 500

[أبو راشد]

قبل ايام قلائل اطلق اخونا الفارس اعلان مسابقه ضخمه في شهر رمضان جزاه الله خير

والداعمين كذلك .. واشترط ان تكون المشاركات لاتقل عن 500

http://www.hafralbatin.com/a-43/a-121676/

تقطع قلبي من الردود

ولست من الفئه اعلاه بحكم ان مشاركاتي اكثر من 700 لاكن قلبي معكم

ومن هنا نطالب اخونا الفارس والأخوان في أدارة المنتدى بتخفيض الرقم لاقل من ذلك

مراعاه لاخواننا المستجدين وكذلك القدامي ( الشيبان ) لرقم تحدده الأداره يكون اقل

على ان يساهم البقيه بمواضيع وردود قبل حلول موعد المسابقه

وهذا طلب اخوي ولكم الراي الاول والاخير

ودامها عند فارسنا فأبشروا بالخير

[الفارس]

يوالله تبشروا بالخير ..!!

مالكم إلا طيب الخاطر
نحن بشهر الخير وأهل الخير يستاهلون
سيتم إاعادة النظر أن شاءالله تعالى بخفض عدد مشاركات الراغبين فى المشاركه

يعلم الله الامر خصص لأعضاء المنتدى ونوع من التكريم لهم
وحرصا أن ينال الجوائز الاعضاء المشاركين بفعاليه


تم .... تم ... تم


ِ

[محمد الفيصل]

كفوووووووووووو

[أبو راشد]

اقتباس: المشاركة الأصلية كتبت بواسطة الفارس    يوالله تبشروا بالخير ..!! مالكم إلا طيب الخاطر نحن بشهر الخير وأهل الخير يستاهلون سيتم إاعادة النظر أن شاءالله تعالى بخفض عدد مشاركات الراغبين فى المشاركه يعلم الله الامر خصص لأعضاء المنتدى ونوع من التكريم لهم وحرصا أن ينال الجوائز الاعضاء المشاركين بفعاليه تم .... تم ... تم ِ

راعي اوله يالفارس تبشر بالجنه
عز الله يستاهلون
وصدقني ان كل تكريم لكل عضو لو مشاركاته 1 هو تكريم للجميع هنا
بارك الله فيك ولاخلا ولاعدم يالذيب

[سلمان s]

والله الكل يتمنى يشآرك يكفي مسجل مشآرك في مسابقة المنتدى الرسمي للمحآفظه
بس المشكله بالمشآركات لو يخفضونها للنص يعني 250 او 300 تكون معقوله
ع الكل ويقدر يجيبها ـ ع العموم الراي الاول والاخيـر لأدارتنآ الغآليه

بالتوفيق

[أبو راشد]

سلمان
الله يسعد ياغالي فارسنا قال :
تم .... تم ... تم ... بعد تم وشتبي اكثر من كذا ؟
بس شد حيلك بالمشاركات

[قحطه]

والله حسبت فيه وظايف ولا توزعون اراضي طلعت مسابقه مشاركات على العمووم مبرووك للفائز او الفائزه

[م حفراوي]

كفو يا الفاااارس وان شاء الله اكون من الفايزين

[أبو راشد]

اقتباس: المشاركة الأصلية كتبت بواسطة قحطه    والله حسبت فيه وظايف ولا توزعون اراضي طلعت مسابقه مشاركات على العمووم مبرووك للفائز او الفائزه

الله يسامحك بس هذي نهاية الفزعه
هالحين اتوسطلكم عند فارسنا وهذي جزاك لي
القسم هذا بالتحديد طرح فيه من الوظائف كثر شعرك راسك وراجع صفحه 2 وانت طالع فوق
بس مشلكتنا كأعضاء نبحث عن مصلحتنا
أحب لأخيك ما تحب لنفسك اخي الكريم

[قحطه]

خخخخخخخخخ وش احب يمال العافية خلاص فوزوني وانا اتنازل عن الجائزه خخخخخخ بعدين انا اقرع ماعندي الا شعره وحدها ومسويها قذله ابوقذيله