جبرك الوقت ترجع لي جبرك وتجيني ندمان
دمرك الشوق ياخاين وجيت تسابق ظلالك
عرفت الحب بغيابي؟ وعرفت انك معي غلطان
تأكد مايشرفني طريق دربه وصالك
تبي اخضع لاجل عينك وانا اخضع ومهما كان
اقص الراس قدامك ولا اخضع لامثالك
لعبت بحسبة جروحي وكتبت امن الحزن عنوان
نسيت اللي يحبك موت وصارالغير يحلالك
إذا غيري تبي قربه وصرت في بحره الغرقان
نصيحه لايموت الحب ومن قلبي هنيالك
نسيت انك تبيع الحب وتجزا الطيب بالنكران
لعلمك بانت الصوره وبانت نية افعالك
تشب النار في قلبي وتنسى اني معك انسان
تخالط بالهوى هيلك وصب الهم فنجانك
بعد ما انقلبت الدنياتجيني محترق ولهان
تقول ارجوك سامحني وقلبي بداخله شالك
تبي قربي؟انا حاظر .. ولكن بطلبك من شان؟
تشوف شلون لي عزه ترد الجرح لاشكالك
ابي تبكي على شاني .. ابي تصرخ من الحرمان
لو اني بآآخر الدنيا ابيك تجر موالك
ابيك تصير مجنوني ومن شافك يجي شفقان
يقول شلون؟علمني؟وش اللي غير احوالك؟
ترى هتلر بعد مجده تخلو عنه الالمان
انا من بعد حبي لك تركتك تقعد لحالك
تدل الدرب من دوني وقدمك سكة الاحزان
توكل لا تناديني ويعين الله على حالك
وانا يكفيني ذليتك وحديتك على الهجران
تقول الموت من بعدك واقول هناك اشوا لك
غسلت ايديني من حبك وابرحل وهجرك يافلان
فمان الله وباقيلك نصيحه وخلها في بالك
ترى من يضحك الاول مصيره باللعب خسران
وانا من يضحك الثاني عشان احطم امالك
*
*
*
أتمنى أن تحوز ع ـلى رضاكم