جتني و انا عن هواها داله و سالي
جتني تنّبش جروحاً ما بعد / طابت
قلت اسمعيني و خوذي كلمة إرجالي
ايدي و هي مني اقطعها اذا/ عابت
خلك على صدتك و انا على فالي
هقواتك اللي هقيتيها ترى / خابت
عايش و انا دايماً راسي ترى عالي
حتى لو ان الاماني طالت و / شابت
العام نفسي تمنى تشوفك اقبالي
واليوم نفسي ترى من حبكم / طابت
ما اشكي على الناس والله عالم بحالي
اساير الوقت و ادري بالقدر / ثابت
اقفى زمانك ولوك كنت لي غالي
شمسك دنت يا بعد حيي ترى / غابت
العقد ياتي ترى للعقد حلّالي
لوك تقّفي ترى الايام هي / جابت
دامك سمعت الكلام افهم وش اقوالي
خابت كذا مره و مره ترى / صابت
#عبدالله_بن_فلاح
https://youtu.be/GMo9BpSaAZU