تـخوفني مـشاوير الـطريق المظلم المهجور "
" والـيا مني ذكـرتك قـلت طـولي يامشاويري
عـزاي إنك رجاي العذب لو كل الدروب عثور "
" وصلت او ما وصلت اعرفك ما انته منتظر غيري
حـبيبي ،وكّـل الله لاتـحسب إنـي بليد شعور"
" لو انت المستحيل الصعب ، ماابدي لك معاذيري
احـبك ،رغـم تـجريح الـليال لقلبي المقهور "
"اشـوف الجرح يكبر وانت تكبر وسط تفكيري
احـبك ، لو يموت الحب وتصير القلوب قبور "
" احـبك كـلمة لـو حـرموها ، حـل تفكيري
احـبك مـن هـنا حتى طلوع الفجر ،حد النور "
" صـحيح إنـك قدر محتوم بس أجمل مقاديري
بـعذر الـلي يحبك لو يصير الشاعر المشهور "
" لأنـك تـنهمر حـلو الـقصيده فـي تعابيري
أحـد ربـي يـحطك له حبيب ،ومايجيه غرور "
" وأنـا مـهما بـغيت إسـتوعبك يـاقل تقديري
هـلا بـك من قدمك ، لغرتك ليا شعرك المنثور"
" هـلا فـي كـل شيٍ فيك وانت اغلى مساييري
أثـر صـدق الغلا يجبر حطام الخاطر المكسور"
" وانـا مـهما منحتك من غلاي اشعر بتقصيري
ولـو طـالت مـشاوير الطريق المظلم المهجور"
" انـا لامـن ذكـرتك قـلت،احبك يـامشاويري
للشاعـــر المبــــدع // مســـاعـــد الرشيـــدي ..