البارحه مريت والسوق مزحـوم ؟؟

[حالمة]

‏​‏​‏​البارحه مريت والسوق مزحـوم
من كثرت الاجواد مـدري علامـه
لقيت فيه العالم اتـدوج وتحـوم
وابو شنب عينـه بسـود اللثامـه
كلٍن على طـرد المزاييـن مهمـوم
في سوق الحب صايـرن ذا دوامـه
وانا دخلت السوق غصب وملـزوم
بعلّمـك قبـل العتـب والملامـه
ناوي ابشري عقال وافصّل هـدوم
واشري عمامه غير هذي العمامـه
وفجأه وانا مشغول في مكاسر القوم
إلا وعيني بعيـن ضبـي العدامـه
بنتٍ جميله زينهـا زيـن مرسـوم
في عينها فارس مجـرّد حسامـه
مرت بجنبي والحشا شبـه معـدوم
ومن قبل لا تمشي عطتني ابتسامـه
وراحت مع السايق وانا اطيح واقوم
ودي اعرف اللي ذبحنـي غرامـه
وسئلت سايقها ولا جاب لـي علـوم
قلت ( المها ) وش اسمهـا يا هلامه
ويهز راسه يقـول مافيـه معلـوم
جديد يعـرف بـس بابـه ومامـه
واشوفها تضحك وانا حيل مصدوم
بالحب انـا مبطـي قليّـل فهامـه
ورديت لا شاري ولا مفصّل هدوم
مدري رداة الحـظ والا الغشامـه



رآآآقت لي

[بدوي زاحف]

عافاك ربي نقل رائع جداً
تحيتي

[test]

صح الســــــــــــانك

[بطاح]

قصيدة جزلة


صح لسانـــــــك

[Ƥōĭšōň]

اقتباس: المشاركة الأصلية كتبت بواسطة جآمعيه    ‏​‏​‏​ لقيت فيه العالم اتـدوج وتحـوم وابو شنب عينـه بسـود اللثامـه كلٍن على طـرد المزاييـن مهمـوم في سوق الحب صايـرن ذا دوامـه رآآآقت لي

صصح لسسآن قَآيلْهآ
وَ .. لآهنتي حبيبتي عَ النقل ~

بسس سسوق الحب مَ دشششت مزآجي