شاعر نجد الكبير

[اسير]

السلام عليكم ورحمة الله وبركاته

قصيده مما قال الشاعر الكبير /محمد بن عبدالله القاضي


[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
الصبر محمود العواقب فعاله= والعقل اشرف ما تحلت به الحال
والصمت به سر سعد من يناله = والهذر به شر وشوم وغربال
وأشر افات الفتى البخل بماله = وأشر من المطل في كل ما قال
ولاخير با للي ما يصدق مقاله= فعل بحالاته قصيرات واطوال
فالابل معلوم يالايدي عقاله = والخيل تزلج بالشبيلي والاقفال
والرجل بالواجب لسانه عقاله = لقال علم تم لو حال به حال
المال كثره عار الابحاله = فضل ومعروف ليانال ما نال
ومن جاد جده صار ضده فعاله = ومن ساءت أخلاقه فراقه هو الفال
ومن لا يفارق موضع الهم غاله = فالقهر مثل السيف والحيف قتال
ومن هاش حاش المرجله والشكاله = ومن ذل ذل وكل من حال يغتال
ومن جاد ساد ومن يشح بحلا له = ما ادرك مرام ولاصعد مصعد عال
والفقر هدام براسه صعاله = والجود من ماجود ان ثار بعقال
ولا يفتخر من جاد عمه وخاله= هي بالهمم لا برمم مثل ما قال
فالجمر يمسي كالخلاص اشتعاله = ويصبح رماد خامد مغبر بال
ومن قالب الدنيا بالاريا لحاله =اخطا وصاب وله دليل بالاقوال
كم خير ما نال منها سؤاله = وكم ثور هور ساعفت له بالاقبال
وكم عاقل به حادق راس ماله= عقله وكم بهلول عقل جمع مال
فالسبع رزقه من جيفها ختاله = وجند ضعيف مرغد رزقه اشكال
ومن كرر افكاره بالاشيا بداله = ضغاين تكشف خفيات الاحوال
فأن جل رجل في عيونك فماله = ووزان ثقل عقله بعقلك بمثقال
وتكشف ضغاين غايته بالرساله = او لفظ مرساله بعنوان ما قال
ويبين لك فضل الرجال بمجاله = ان جا جدال فيه فض للاشكال
فالصاحب الصافي تحمل اخماله = يلزمك والا الضد حده على الجال
واصحا ترى طرد المقفي عذاله = يتعبك والمقبل عطه وجه واقبال
ترى بوجه اللي يودك دلااله= وضده بمن تكره تراهن بالاغزال
واحفظ صحيح اوصاة امين رساله =لاتغضب وتجزع ليا حل بك حال
من ضاق ما ادرك مرامه محاله = والصبر قبل يربع الفكر لك تال
فالدهر له حال اكتراب وحاله= ينفك منه العسر باليسر ينجال
كم ضيقة ينفض مشكل مجاله = بلطف منه ما عاد يخطر على البال
فان رمت راى فاستخر ثم واله = وعزم ورم واجزم على الحال بالحال
فكم فات راعي الهون عليا يناله= وكم حصل العليا غشوم بالاجزال
ليا صدر بالراي والشور قاله = ما طاع ذلال برايه وعذال
ومن يفشي اسراره وقع بالجهاله = عطا العدو ازمام عقله وهو عال
فالسد له خل وثيق صفاله = نقاض مفتول بالاريا وفتال
ليا احتجت راي فر فكره نخاله = يخاطب عواقب كل امر بالاجمال
يبصرك باشيا مشكلات صحاله= يوريك ماصور على صفحة البال
واشك الحوال لمن تحول بحواله = يسعدك او يبصر او يشرح البال
هذا وكل من ادعى بالكماله = عج وتاه بمظلم الليل باللال
ومن اغتر بالدنيا فهو من هباله = ما يعتبر باجال جولات الاجيال
صولات دولات عصاة مضى له= ملك وحطتهم تواريخ وامثال
ذهبو وذهب المال من له ولاله = والحمد هو والمجد يبقى ليا تال
والعمر ظل زايل لامحاله = وبالحشر ينشر عن عمل وزن خردال
فالله تواب منيب يساله = عفوه ليا نشر الصحايف بالاعمال
لياجا غريم الروح باغي زواله= والروح يصعد بيد قصاف الاجيال
وشالو ثيابه ثم دنوله اله = زفوه عجل لين جوبه على الجال
قبر يشوف الهول به والهواله = متفرد في وحش مظلم خال
طالبك روح لاعليها ولاله = تغفر خطا ما فات ياغافر الزال
وصلو على المختار والصحب واله = ما النتج حجاج بهذيك الاميال

[/poet]



واعتذر عن الاطاله او نقص ابيات القصيده


تحياتي