يامضاووووي
عيني اللي تناظر في زمنهـا البـلاوي
أتعبتهـا دموعـي والحيـاه الحزيـنـه
أرهقتها المآسي والنصيـب الشقـاوي
أذهلتهـا العجايـب والجـروح الدفينـه
وحالي اللي طواه من اقشر الهم طـاوي
أشهد أن الشقاء شي أنكتب في جبينـه
مرعشرين حزني لـي رفيـقٍ مخـاوي
واعذاب الحزين اللـي تجـاذب ونينـه
كل مانام منهـو مـن همومـه خـلاوي
هاج موج الطواري وأنقلـب بالسفينـه
وروحت بي هجوسي في نصيبٍ قساوي
وفي تأمل زماني كيـف تبخـل سنينـه؟
في حظوظٍ عجيبـه ماتعـرف التسـاوي
الردي ترفعـه وا لكفـو دايـم تهينـه
في وجيهٍ رديَـه خيبـت بـي هقـاوي
كنت اراها سند واثـر الوفـاء فاقدينـه
في مظاهر رجـالٍ للملابـس حشـاوي
يدَعـون المراجـل وأصلهـا جاهلينـه!
في رفاقـه خبيثـه يدفنـون العـداوي
يبـرزون المـوده والبـلاء دافنينـه!!
في قرابـه عليَـه يكثـرون الخطـاوي
يفرحـون بهمومـي والحقـد شايلينـه
في عقوقٍ تفشَاء فـي شبـابٍ جفـاوي
من سببهـم أهلهـم غيضهـم كاتمينـه
في حياهٍ تعيسـه فـي زمـانٍ غثـاوي
فـي نوايـا تملَـت بالغـدر والغبينـه
من عجايب زماني أشتكي ((يامضاوي ))
ذقت شينه ولكـن مابعـد ذقـت زينـه
علتـي داخليـه صـار رايـك مـداوي
عذبتني جروحي ماش غيـرك عوينـه
أبتسم طول عمري والحشاء فيـه لاوي
من سبايب زمانٍ صـار قلبـي رهينـه
ومن حمولٍ ثقيله من طعـون ورجـاوي
شفت فكري تشتت ياعسـى الله يعينـه
جاك موجز لحالي وأسلمي ((يامضااوي))
والبقيه بقلبـي يندفـن مـع سنينـه!!
العرض العادي
