[align=center]{شعر الشيخ / سند بن فالح المطيري}[/align]
[poem=font="Simplified Arabic,5,indigo,bold,normal" bkcolor="transparent" bkimage="backgrounds/8.gif" border="double,6,silver" type=1 line=0 align=center use=ex num="0,black"]
يالله يا للي هـل التوحيـد يرجونـه=يا رافـع السبـع ومسيـر كواكبهـا
أعز الإسلام وخـذل مـن يعادونـه=واسبغ علينا نعمـك اللـي نعيشِبهـا
يا شعب الإسلام خل الغرب ولحونـه=واترك قنـاة الفسـق واللـي يبثبهـا
ومابهـا مـن بـلا فيهـا ويخفونـه=ودسايس غامظـه تخـزي عواقبهـا
هل عندكم شك في التوحيـد ومتونـه=ودلا يلـه واضحـة محـدٍ يشكبهـا
ومصادره محكـم الآيـات تقرونـه=اللي سلفكم تمسـك بـه وفـاز بهـا
وبلادكـم زاخـرة بالخيـر مامونـه=وحكامكـم بالشريعـة عنـد واجبهـا
يمشـون بالحـق والجاهـل يدلونـه=وامن الوطن والمواطن من مطالبهـا
ولاهم بدخـلٍ عليكـم مـا تعرفونـه=منكـم وفيكـم عريبـاتٍ مناسبـهـا
كم دولة ما تعـرف اللـي يحطونـه=وياسِعـد قومـن حكومتهـا قرايبهـا
تذكروا ما مضـى وانتـم تخبرونـه=وش ما جرى قبل اخو نوره وصاربها
ناهب ومنهـوب والعاجـز يهينونـه=ولا يرحمون الضَعافا فـي مصايبهـا
ونادى بصوتٍ وكل النـاس يوحونـه=ولبت رجالٍ اتناضـل دون واجبهـا
وساروا على الحق والخامل يغيضونه=مع درب حرّن على السنـه يدربهـا
وحد صفوف البلاد وسيّـس ركونـه=عساه في الجنّـة العليـا يفـوز بهـا
والفيـه اللـي تنابـح تقـل مجنونـه=وعقولها غافله عـن مـا يـراد بهـا
واهدافهـا منبـع الإسـلام يلغـونـه=تخطيط صهيون مـا تحمـد عواقبهـا
يا احفاد من دينهـم بالحـق يحمونـه=مع سنة المصطفى تجـري مواكبهـا
اللـي يهـدد وطنكـم لا تطيعـونـه=ولو هو قريب النفوس ومن حبايبهـا
ما هو بلـصٍ مـع الكفـار يشلونـه=متمثلـن بيـن صاحبتـن وصاحبهـا
ما بين راقص ورقاصـه وماسونـه=وطوايفـن كلهـا ضاعـت مذاهبهـا
وحشٍ ورى الغرب يبغاكم تطيعونـه=ومحـاولاتـه عقيدتـكـم يخربـهـا
أنتـم عرفتـوه والا مـا تعرفـونـه=الطغمه اللـي لكـم تجمـع ثعالبهـا
طغمة جنود الفقيـه اللـي يقولونـه=وشرذمّتـن كلهـا دغـمٍ شواربـهـا
شذوا عن الحق والجاهـل يضلونـه=ويحرفـون الحقايـق عـن مراتبهـا
والحق واضح إن كان الحق يبغونـه=ولا يتبـع اللـي تعاليـمـه يقلبـهـا
لوالتبس في نظـر مـن لا يعرفونـه=انشد هل العلم واخذوا مـن تجاربهـا
والفيه الباغيـه مـا هـي بمامونـه=وجنودها اللي على الفتنه يـود بهـا
منهاجها مـن بـلاد الكفـر يجنونـه=تباً لقومٍ جنـود بليـس تدّبهـا
واللي يخالف هواهـا مـا يريدونـه=جرين ورى ثعلبـه هـاذي مطالبهـا
يا حيف والله علـى قـومٍ يطيعونـه=وعقولهم من صميـم القلـب يسلبهـا
بافكاره الخاطيه مـا هـي بمازونـه=تطلع على الفلم مـع نـاسٍ يخاطبهـا
مثل الصنم في زمان اللـي يعبدونـه=فـي ديرةالكفـر وبـلاده يحاربهـا
هذا وصلوا عدد مـا هلّـت مزونـه=على النبي عـد مـا تـذري هبايبهـا[/poem]
هذا ولكم صادق التحايا