[poem=font="Simplified Arabic,7,white,bold,italic" bkcolor="transparent" bkimage="backgrounds/21.gif" border="ridge,10,teal" type=3 line=0 align=center use=ex num="0,black"]
عندما أراد أحدا التقليل من شأن قبيلة عنزه
رد عليه أحد شيوخهـــــــــا بهذه القصيــــده[/poem]
[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="ridge,10,teal" type=1 line=0 align=center use=ex num="0,black"]
ياللي تقول الهرج من دون تفكيـر=قلي وش اللي من ورى الهرج ناوي
أن كنت ناوي خير تصبح على خير=وان كنت ناوي شر..جتك البـلاوي
علمك هفا بك هفوة الدلـو بالبيـر=ولا انت بكفو حتى تقص الخطـاوي
عيب ٍ تسمـى بالرجـال المناعيـر=وعيب ٍ تشوفك لابسـات الغطـاوي
حنا عنزه جينا على حـزة عصيـر=نشرب مرار السم شرب ..القهاوي
وقت اللقا جينـا نصـف الطوابيـر=نصرخ ونرفع صوتنا ..بالعـزاوي
تاريخنا بالمجد نـار ٍ علـى النيـر=ماهي سوالف صاغها عقـل راوي
عند الصحيح ندوس خشم المحاذير=غاياتنا أبعد مـن كثيـر الهقـاوي
وعلومنا أصفى من حليب المغاتيـر=وألذ وانقى مـن تمـور الحسـاوي
وأفعالنا أزكى من نبـات النواويـر=وأوضح من وسوم الطبيب المداوي
من دور أبونا كليب مع سالم الزيـر=وحنا نشرب كيدنا كـل غـاوي
من يحترمنـا يبشـر بكـل تقديـر=ويلقى بحمانا كـل رجـل ٍ مخـاوي
بالطيب مانقـدر نقيـس المعاييـر=لطيب قسمـه بيننـا بالتسـاوي
والطير مايقرب فـروخ العصافيـر=لاصار حر ومـن طيـور النـداوي
وإلا انت عادي لو يجي منك تقصير=ضيعت وقتك بين هنـد ومضـاوي
وأصبح خطاك بحق ربع ٍ مشاهيـر=مثل الخجل في وجه رجل ٍ حيـاوي
قد قالها مـن مـر عمـان والديـر=خسارة اللي حط طيبـه بشـاوي[/poem]