اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الاداري > استراحة الأعضـــاء

استراحة الأعضـــاء لبث هموم الأعضاء وبوحهم الشخصي

إضافة رد
 
أدوات الموضوع انواع عرض الموضوع
قديم 03-05-07, 05:04 PM   رقم المشاركة : 1
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

۩«۩ إستراحة المقهوي ∞« تعليقات صادقه »∞ تفضل ۩«۩

أأأأه ... اليوم الخميس ... أحلى شي في الاجازه إنك تقوم الصباح وتاخذ كوب قهوه وتجلس في الحوش ( واحد فقير ) ... وتتأمل في كل اللي سويته في الايام الفائته ( أسمحوا لي أبي أعبر عن مشاعري بالعامي ) ... للصبح نكهه غير .. بدون التزامات بدون صجه ولا لجه ... والذهن صافي والامور تمام التمام ... رجعت ( فيد باك ) للخلف .... لقيت أني مقصر كثير .. ماقريت من القراءن ولاأيه ... غيرت عادتي كل صبح وصرت بدل ما أجلس على قناة المجد للقراءن قبل اروح للعمل ... افتح اللاب توب وأفتش في المنتدى ... مره زعلت أم العيال ولا رجعت وأخذت بخاطرها ... ومع أنها بنت أصل بس من عيونها أحس أنها تبي كلمه ولو جبر خاطر .. وانا أعوذ بالله من الشيطان عمك أصمخ ... ليشششششششش .... ما أدري .... بس اللي وقفت عنده كثير اللي صار لي البارحة ... البارحة رن جرس البيت وأخذت جهاز ( الانتر كم ) مين >>> زيادة ذرابه ....
انا أفتح يابو الشباب >>> واحد منتهي ....
نعم يابو الشباب وش جايبك الساعه احدعش >>> من قلب إنفجعت ولا ودي أفتح ....
ياخوي أفتح وأنا أقولك بسرعه مستعجل >>> هذا واحد من الجماعه ما عندك أحد ولاني بحبه ...
المهم وتحت الاكراه الاجتماعي والذوق العام فتحت الباب ... تفضل >>> ومن غير نفس أقولها ....
ياخوي أنت وشهو ما تعرف الاصول اقولك من اليوم أفتح وشكلك ماتبيني >>>> اما مابي والله ودي أشوتك شوت لسيارتك طبعا في قلبي ....
رسمت على الفيس حقي ( وجهي ) أبتسامه لزوم النفاق الاجتماعي .... لاياخوي بس وانت تكلمني كنت منسدح >>> مدري شلون طلعت هالكذبه اللي ماتنترقع ....
منسدح عند الانتركم >>> خبيث لقطها المروح ....
يعني ماكنت منسدح بس كنت ابي !!! تفضل ليش واقف >>> احاول أرقع الموقف ...
لا ابي اروح أجيب اللاب توب حقي من السياره >>>> ايا التعبان اقول الجيه مهي لله .....
وش اللابتوب ياخوي أنا من اليوم مشغول وودي أنام !!! أقول شرايك تقلب وجهك ولا توريني فرتك >>> طلعت اللي في قلبي بس هالمروح ماكو فكه منه ....
قال ... ياخوي الله لا يشكر فضلك أذا تبي تروح تنام روح بس أفتحلي المشب وأنقلع روح نام >>> والله اللزقه يعني مافيك حيله >>> استسلمت .....
لا حيله ولا ميله انا تلفوني مقطوع ولا زم أدخل على النت اللحين >>> وجه ابن فهره هادلح ...
خير ماني خابر البورصه فاتحه بالليل >>> دابلن كبدي ....
. أي بورصه يابن الحلال إذا قلبك خضر مع أني اشك أنك تفهم حتى معنى هالكلمة أجلس معاي >>> ايا المنحرف الساقط الخبيث طبعا بقلبي .....
لا ما أفهم ولا ودي أفهم >>> ما هو من قلبي الصحيح أنه زاد فضولي شوي
... دخل الدكتور تسند على المركى وفتح اللاب توب .. ولا كأني موجود ..ز قلتله وأنا متنرفز وحاط على طخمتي ابتسامه كذوب ... شوف يالعربجي ، أنت منت كفو قهوه ولا عندي إلا الأيس كريم حق البزران تبي حياك الله ما تبي الله لا يهينك لا خلصت سكر الباب معاك >>> اللي في القلب يطلع ولو بعد حين ....
زيييين ززييين أي شي >>> الاخو مندمج ولاهو يمي ... حسيت ان الموضوع فيه شي رحت جبت الايس كريم وواجد عليه .. على فكره قبل تروحون بعيد ترى هذا صديق طفوله واعتبره مثل اخوي ولا ني بحبه ... عادي .. افكارنا غير ... ومبادئنا غير ... بس الميانه مرفوعه ....جلست وانا مسوي نفسي منشغل أطقطق بالتلفزيون وادري أنه يبي يجيب كل اللي ببطنه وما طولت ... قال ... والله ياعندي صيده بس كبيره عليك >>> أخص يالدون جوان .... ليش >>> مسوى نفسي ما ني مهتم .... وحده ولا هي أي وحده تعال شوف صورتها >>>> كمبيوتره فاضي مثل وجهه ...قلت ... هذي أعراض نا س يالحبيب أحترم نفسك >>> قاهرني ......قال ... تعال شوف وانت تخق يا بو القيم >>>> ...قلت ... اقول خلص شغلك وراي شغل >>> مسوي ثقيل ....قال .... تكفى فكني الليله سهاري ولا ني بنايم >>> حقير يجاهر بالمعصيه .... ياخي أتق الله في نفسك كلامك مثل وجهك بدون معالم ...... ههههههاااه >>> يضحك هالخبل .... كمل .... أقول ياشيخ علينا هالسوالف والله أن ودك بس الاسلوب ماش >>> جبان .. كمل ... تبي اقول لام العيال أنك تغازل >>>> كذوب
.... يا حسافه الخوف مقطعن قلوبكم >>> أخص يالبطل ..... صراحه سفهته ... شوي وهالشوي كنها دهر قالي ..... تعااااااال شوف الصيده دخلت فتحت الماسنجر >>>> الله ياخذ اللي سوى الماسنجر لهالشكال ..... تعال تعلم الاسلوب >>>> من جنبها ماهو فالح إلا فيذا الذيب البشري ...... شدني الفضول وتراكيت جنبه ... وأبي اخليكم مع الحوار الالكتروني :

صدى الحرمان :
مساء الخير حبيبي >>>> كبيره عليه
قصدي شريف :
هلا والله بأعز وأغلى إنسانه بالوجود >>>>> يلعن أم النصب
قصدي شريف :
اروحلك فدوه يالغاليه >>>> لا تعليق
صدى الحرمان :
ها شمسوي اليوم >>>> مغفله
قصدي شريف :
الا قولي وش صار فيني >>>> كل خير
صدى الحرمان :
وش صار >>>> حطت تنبيه قلب كبير بحجم ضياعها
قصدي شريف :
صورتك اللي ارسلتيها ... قلبت كياني >>> والله انا اللي لاعت كبدي
صدى الحرمان :
سلامتك .. حبيبي ياليته أنا ولا أنت >>>> ما ادري يضحكون على بعض
قصدي شريف :
اسمعي >>> جاد
صدى الحرمان :
قول حبيبي >>> قلت يمكن رجال
قصدي شريف :
أنا أتفقت مع الوالده أنها تروح معاي تخطبك >>>> يالخسيس أمه مريضه الله يشفيها
صدى الحرمان :
صحيح حبيبي >>>> على الريحه ما صدقت الدلخه
صدى الحرمان :
ياليت يجي اليوم اللي يجمعنا عش واحد >>> حطت صورة وجه يبكي
قصدي شريف : الخايس
يبي يجي .. صدقيني يبي يجي بس عطي علاقتنا فرصه تكون ناضجه >>>> الحقير
صدى الحرمان :
وش تقصد >>>> ابد يامغفله قصده عكس النك نيم حقه
قصدي شريف :
ما قصدت شي ... بس خلينا نعيش حلاة الخطوبه >>>> الخايس حسين فهمي

بصراحه اندبلت كبدي من الموقف كله وقبل لا أقوم واتركله الجو الخايس اللي عايش فيه سألته ... هالضعيفه وين حصلتها ... قالي بفخر .... تدور على معرس في موقع زوجتي كوم ...

اليوم الخميس وكل شي فيه حلو إلا سؤال واحد يدور في ذهني ... ليش في دنيانا ضحيه وجلاد ... وليش الضحيه دايما الطيب اللي يدور الحياه ... القصة صحيحه لكن الزمان والمكان غير صحيح

المقهوي ( مشاعر خميس )







التوقيع :

رد مع اقتباس
قديم 03-05-07, 06:53 PM   رقم المشاركة : 2
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

أخي ابن البلد ....

[align=center]سنايدي والله ... وبيني وبينك أنا حطيت القصه وانا مغمض .. بس والله أني سعيد أنها أعجبتك ... أما الموقع ( ماعرفه ) ولا لي علاقه فيييييييه ...

تحياتي وتقديري لك أخي الفاضل [/align]







رد مع اقتباس
قديم 03-05-07, 06:59 PM   رقم المشاركة : 3
نسـ الشمال ـــيم
مراقبـــه عـــامــه
الملف الشخصي






 
الحالة
نسـ الشمال ـــيم غير متواجد حالياً

 


 

اقتباس:
وأخاف تجي المشرفه " وتشيلنا حنا وقصصنا الثنتين للقسم الي بالي بالك وتقول لنا هذي لاهي قصه ولاهي سالفه


بغيت الشيلهااااااااا بس قلة بنفسي بيروح قسم الشكااااااوي



ويقول وين موضوع مشاعر يوم الخميس


مشكور على الطرح


وفي انتظااااااااار جديدك






التوقيع :


ــــــــــــــــــــــــــــــــ
سأصبر حتى يعجز الصبر عن صبري .. وأصبر حتى يحكم الله في أمري
وأصبرحتى يعلم الصبر أني صبرت على شئ أقسى من الصبر
ليغارالصبرمن صبري .. ويتعجب الناس في أمري

ـــــــــــــــــــــــــــــــ

رد مع اقتباس
قديم 03-05-07, 07:06 PM   رقم المشاركة : 4
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

أختي الفاضلة نسيم الشمال ...

[align=center]أختي ... قد يغفرلي أن الهدف نبيل ... بصراحه هناك الكثيرات من الاخوات الاتي يعولن كثيرا على عرض طلبات الزواج عبر الانترنت ... والحقيقه أن هذه المواقع هي مصيده للباحثات عن الستر ... وشكرا على التعديل ( حتى أنا ما ارتحت للجمله )

تقبلي شكري وتقديري

أخوك المقهوي [/align]







رد مع اقتباس
قديم 03-05-07, 08:23 PM   رقم المشاركة : 5
صمت القلوب
عضو فعال
الملف الشخصي






 
الحالة
صمت القلوب غير متواجد حالياً

 


 

مقهوي مشكور
حقيقة هذا اللي صاير بزمنا للاسف الشديد







التوقيع :

رد مع اقتباس
قديم 04-05-07, 09:57 AM   رقم المشاركة : 6
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

أستراحة المقهوي ...

[align=center]زين سوت الاداره ,,اغصبتني غصب أفتح استراحتي ... قبل الزبرقه اللي كنت ناوي أسويها .... ما عطوني فرصه أخليها ( باص با كستانيين رايحين الحج ) ... بس مشكورين ما قصرتوا ... العوض ولا القطيعه الاستراحه ولا سلة المحذوفات ...

أول شي خلوني أعرفكم بنفسي ....

المقهوي ... أسم غير لامع في فضاء النت .. انسان عادي مثله مثل الملايين المملينه من البشر .. يعاني من الروتين والبيروقراطيه وقلة الذوق التي يعاني منها مجتمعنا .... الوظيفه جيده ... والايناء أربعه ثلاثة بنات وولد هم كل حياته ... كنت رياضيا ... لااحب السفر ... مواظب على الصلاة ( مقصر في صلاة الجماعه ) ... أعتقد أني مثقف فلي رؤيتي الخاصه ومبادئي التي لا أحيد عنها وهي لاتقوم على التأثير الخارجي ولكنها قناعات داخليه أكتسبتها من خلال الاطلاع الواسع ... مذ كنت في العاشره وأنا أحب القراءه فيما بعد تقاعست ولكن الفترة السابقة كونت لدي ثقافه في كل شئ ... سياسه _ تجاره _ عسكرية _ تاريخيه.. تقريبا كل شئ ....لاأحب صفحة الرياضه في الصحيفة ولا الجريمه ولا المجتمع ... تشدني أكثر الصفحة الاولى والصفحه الاخيرة في الصحف الكبيرة ... الصحافه السعودية أستخسر الريالين بها ... فهي لا تعدوا أن تكون صحف دعايه ... تفرح بالصحيفه وعدد أوراقها الضخم فتفاجاء بأنها لاتحوي من المفيد سوى صفحتين .... الانترنت أدمنته في البدايه ثم تركته وعدت إليه حاليا بعد الدي اس ال ... أدخن ( وللأسف ) تركت التدخين فترة طويله ثم عدت بدون سبب .... مؤمن بالله إيمان كبير واسأل الله الثبات .... إيماني جلب لي التوفيق بفضل الله ومنته ... أخيرا المقاله التي بالاعلي لا تعبر عن المقهوي حقيقه ... فهي خربشه كتبتها على عجاله وفي لحظة من لحظات معاتبة الذات .... وأدخلت فيها هدف أتمنى أن يتحقق ... وهو أن نكون من الوعي بحيث نعرف المفيد من الغير مفيد ...


هذه نبذه تعريفيه عن أخوكم المقهوي على فكره معرفي هو يعني لي .... شيمنا العربيه الاصيلة المتمثله بالقهوة ومختصرها الشهامه والرجوله والكرم


أخوكم المقهوي [/align]







رد مع اقتباس
قديم 04-05-07, 10:16 AM   رقم المشاركة : 7
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

إضافه ....

[align=center]هناك ... نقطه مهمه جد جدا جدا .... أنا أحب الاخوان الملتزمين ( المطاوعه ) كثيرا لهم ايادي بيضاء على كل بيت .... ولهم نشاط لا يتوفر لبقية أفراد المجتمع ... همهم كالجبال ... وأخلاقهم كالفضاءء الرحب الجميل .... كم أتمنى أن أكون منهم ولكني لم استطع ... لدي قناعه بأن أكثر من أساء لهؤلاء الاخوة هم المتشبهين بهم ....

فقط إضافه [/align]







رد مع اقتباس
قديم 04-05-07, 09:47 PM   رقم المشاركة : 8
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

أخي ابن البلد ...

[align=center]حياك الله ... في استراحتي المتواضعه .... يا خوي أنت فيلسوف وانا ماني قدك .... والملتزم يا أخي الفاضل ... هو المنضبط بالخلق الاسلامي بكل ما تعنيه هذه الكلمة من معني .... ومع أني لست مؤهلا للخوض في هذا الامر ... ولكن الخوارج كانوا أكثر الناس عباده ولم تشفع لهم ... والاسلام الصحيح مزيج بين العباده والخلق والعلم ... فإذا توفرتا في شخص أطلقنا عليه ملتزم ... وهذه الكلمة لا تعني كامل فالكمال لله وحده وهو ليس كالصحابه ولكنه مسلم صادق ... ونحن أيضا لولا أنا مقصرين قليلا لاستحقينا هذه الصفه بدون النظر للهيئة والشكل الخارجي إذا روعي فيه الابتعاد عن كل ما هو محرم ....


تشكراتي افندم ( انا هالايام المود عندي تركي ) [/align]







رد مع اقتباس
قديم 04-05-07, 10:59 PM   رقم المشاركة : 9
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

ياهلا والله ياهلا ...

[align=center]يا هلا والله ... ياهلا ويا مسهلا ... باخوي الغالي ابن البلد .... لاتروح بعيد ذاك من الخوالف ... الخوارج تشددو بالدين بدون فقه ... وقال عنهم الرسول عليه افضل الصلاة والسلام (يخرجون من الدين كما يخرج السهم من الرميه) ...وسلامتك طال عمرك ....وحياك الله أن جيت شرفتنا وان رحت أشتقنالك ....

تشكراتي افندم ( انا قلت المود مولي ) [/align]







رد مع اقتباس
قديم 05-05-07, 09:53 PM   رقم المشاركة : 10
المقهوي
كاتب متميز
الملف الشخصي






 
الحالة
المقهوي غير متواجد حالياً

 


 

منبطه كبدي ....

[align=center]أووووف حر ( عدال يالناعم ) .... يا خوي أنت وش جايبك فيذا ( على قلبك وين ما تروح ) ... صبر جميل والله المستعان ... تراك تعبتني قلنا ضمير قال احلبوه ((( ههههه ) .. لاتضحك ( ماعلي منك ) ... كل ما بغيت ابهر اللي أكتبه طمرت في وجهي ( ياهملالي تو الناس ما شفت شي ) ... لا تكفى اللحين خلني شوي أبي افضفض ( شوف ابسكت بس توعدني وعد ما تقول شي ينقدون علينا الناس فيه ) ... خلاص وعد بس أنت أنطم واسكت ( سكتنا وخلنا أنشوف ) ... مابغينا ... اليوم وانا أدوج في المنتدى ( ؟ ) ... احم .. اليوم وانا أتصفح المنتدى .. لاحطت شي كدر مزاجي من قلب ( ؟ ) ... كدر مزاجي مو من قلب ( ؟ ) ... خلاص المهم كدر مزاجي .. حسيت أني مقفل مواضيع بجداره ... كل ما أحط رد يكون هو أخر رد ... وينزل الموضوع .... ويقفل على ردي .. ليشششش .... قولي ليش ( ! ) .... اللحين لما أحتاجك ما ترد ... رد ... ( انت والله أنك ما تستحي .. توك تقول أنطم واسكت ) ... لا خلاص قولي وبعدين أنطم وأسكت ... ( لانك ما تستحي ... انا قايلك من زمان لاترد الا على واحد يستاهل ) ... زين بس أنا بكذا ابني صداقات ( صداقات يا شينها من فمك ) ... ما قلت شي خطاء قلت ص د ا ق ا ت ( لا تتك عليها حيل انا أفهم ) ... مدري عنك ( الصداقات اللي تقول عنها ياحبيبي هناك في الواقع الملموس ) ... يعني ( اي نعم يعني ، المكان هذا ما احد يثق فيه بأحد ) .... غريب ( لا موغريب ) ... الغريب اللي تقوله ... بالعكس الناس في هالمنتدى طيبين وأخلاق ومستوى بعد ( انت ما عندك أحد ) ... ليش ( لا تصدق أن أحد يثق فيك وانت باسم مستعار ) ... يعني شرايك أحط أسمي الصحيح ( تكفى وليرحم والديك دبلت كبدي ) ... أمزح يابن الحلال لا تصدق أصلا أنا لو حطيت أسمي كان ماكتبت اللي قاعد أكتبه اللحين ( تعترف أن اللي تكتبه يفشل ) ... يعني بس هي فضفضه واللي بيعتبرها غير هالشي بكيفه ( أها ) ... نرجع لمحور حديثنا ليش الثقه معدومه ( شوف بلا طولت حكي اي وحده في المنتدى لا ترد عليها ) ... ليش ( أنت تميلح واجد بدون اسلوب والحريم ما يثقون باللي يتميلح ) ... طيحت نص المنتدى ( لو ثلاث ارباعه ) ... زيين شلون الاسلوب يابو الاسلوب (( أنت تقول أختي الفاضله ) ... كلمه حلوه والمفروض أنها تجيب الثقه ( لا ما عندك سالفه ) أقول انا انشغلت اللحين لنا عوده ((( ههههه ) ..( حبيبي انا معاك ) ... أخ نسيت ... بس معاي أن الجو حر ( معاك ) ... فتك بعافيه على قولت جروح الذاكره ... [/align]







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:22 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم