[align=center]بسم الله
وكل عام والجميع بألف خير
متواضعة تلتمس وهج حضوركم [/align]
[poem=font="Simplified Arabic,6,black,bold,normal" bkcolor="transparent" bkimage="" border="double,2,black" type=2 line=0 align=center use=ex num="0,black"]
تعال أبهديك جرحك وأنت تهديني =آخر محطات عمر ٍمعك ضيعته
غلطة وأنا آسف أنك كنت تعنيني=ولو الحسايف ترد العمر رجعته
مسموح بس انتهى اللي بينك وبيني=واللي جمعنا مع الأيام ودعته
ماقلت لك من جروح الوقت يكفيني=ويصيح لك قلبي المجروح ماطعته
واليوم مات الأمل ما عاد يمديني=لأن آخر أمل بالقلب شيعته
أرجوك من سالفة عشاق تعفيني =شريت راحة ضمير وقلب لوعته
ولا طلبتك من أحزاني تواسيني=الصدر لمواجه الأوجاع شرعته
شكرا ً يجي منك أكثر يا معنيني =عفوا ً أنا اللي على فرقاك طوعته
تقدر تقول انتهيت وطحت من عيني=ومعاد تفرق إذا كل الوفا بعته
وبدري عليك أترجى " لا تخليني "=ولو خانني قلبي المجروح قطعته[/poem]
[align=center]
سعد المطيري[/align]