[align=center]عندما يجتمع الواقع مع خيال الشاعر
تحدث اشياء لايعلمها سوى الشاعر نفسه
الصمت وهو بحد ذاته باب من الخيال الواسع
اضع بين ايديكم هذه المتواضعه من إختياري
شي من واقع خيال الشاعر الشارد[/align]
[poem=font="Simplified Arabic,4,black,bold,normal" bkcolor="blue" bkimage="backgrounds/23.gif" border="solid,4,white" type=2 line=0 align=center use=sp num="0,black"]
ياشـارد التفكيـر والـسـر مخفـيـه
بين العيـون وبيـن صمـت الشفايـف
سـارح ولايـدري عـن اللـي حواليـه
وش كـدر المجمـول زيـن الوصايـف
مـادام ربـي كامـل الحسـن معطيـه
وخـلاه يدلـه فـي جميـع المصايـف
حسبي على اللي حط لون الحـزن فيـه
لوكـان ماشـاف بحيـاتـه كسـايـف
بانـت علامـات التـرف مـن اياديـه
اكيـد مــاذاق التـعـب والكـلايـف
والله.. واعلـم فيـه حــبٍ معنـيـه
وياكثر ما بالوقـت مـن حـب زايـف
وقمـت اتصـور لـو زمانـي مخاويـه
مـن صغرنـا باللعـب دايـم ولايــف
افـرح بشوفـه وافتخـر عنـد طاريـه
واهديـه قلـبٍ بالضـلـوع النحـايـف
واعيش عمري بـس اطيعـه واداريـه
واصنع لـه البسمـه بحلـو الطرايـف
ويوم انتبه ثـم شـاف عينـي تراعيـه
حانـت نهايـة جلسـتـه ياحسـايـف
وقام.. وتبسم .. وانحرف .. واشغل يديه
يضفـي بـثـوبٍ علقـتـه الـردايـف
واقفى كمـا حلـمٍ سكـن قلـب راعيـه
يبقى مـع الذكـرى ولـو كـان طايـف [/poem]
العرض العادي
