لشاعر محمد الحويماني العتيبي
\
\
القصيده اللي قالها الحويماني
بــ شاعر المليون
\
\
يا فهــد من شفت زولك بينهم ...روّح خيالي
.........يقطع بحور الزمان الاولي ...عرضه وطوله
قمت اهوجس واتذكر طيشنا ذيك الليالي
........يوم كنا صغار ....تحكمنا مساحات الطفوله
يوم كان اقصى طموح لنا ..نروح لبيت خالي
........وكيف كنا ننتهي من واجب ( الخط وأصوله )
اذكرك ..
اذكرك ..
اذكرك يومك تجيني (كنت انا جالس لحالي )
........واتفقد جيب ثوبي ...وألعن الفقر وفضوله
يوم شفتك ...هل دمعي ..:يا فهــد دور ريالي ؟
........وانت تمسح دمعتي ..بيديك واحساس الرجوله !!
.
.
.
.
تقطع ريالك تقول : امسك ولا تبكي قبالي
.......وكننا من بعد هذا كل مانبغى ننـــــــوله !!
واذكرك ...
واذكرك ...
واذكرك ..يوم انت تلبس غترتي ولا عقالي
......ثم تجلس في مكان ابوي ..(وعيوني ذهوله ) !
والله انك يا فــهد في وقتها ...شكلك خيالي
......والله انك كل مالديت ...اقول الزول زوله !!
يا فهــد ...
يا فهــد ...
يا فهــد وانت الوحيد اللي يعرف ان ضاق بالي
........قبل ما أشكي .... قبل مادمعي يبادر في هطوله
يا فهــد والخمسه وعشرين مرت ياظلالي
......قدر الله والسنين بطبعها ..دائم عجوله !!
يا فهــد ... وان شفت دمعي يوم (عرسك ) لا تبالي
.........كل مافي الامر .....فرحٍ ماقدرت انطق واقوله !
يا فهــد من شفت زولك بينهم ...روّح خيالي
العرض العادي
