[align=center]يا حبيبي الله يسعد لي مساك
والله يسعد خطوتك شوق وحنين
جيتني يا مرحبا وأنت بغلاك
تستثير ضلوع مجنونك ونين
من مشاريه الجفا ضعت بسماك
فرحة العاشق على العاشق سنين
يا سلام الحب وأحواله معاك
ويا سلام البعد والدرب الحزين
تهت من فرقاك وأتعبني جفاك
وضعت كيف ألقى دروب الراحلين
لا يونسني بعد بعدك ملاك
ولا يكفيني من الدنيا ثمين
ما ملا عيني من العالم سواك
وما خذى صافي الغلا غير الفطين
أنت يا ساس المشاعر من خذاك
قول فضفض وين رحت وكنت وين
اشرح اشرح يا عسى عمري فداك
استمع لك بين جيم وبين سين
وحشتك من دون لا اشرحها يا ذاك
شوفني وتبين لك وانت بـ تبين
يا وجودي من امام ومن وراك
ويا وجودي من يسار ومن يمين
ويا مساي العذب يسعد لي مساك
كيف جيت تجدد الفرحه بعين
كنت ميت وأنتهض قلبي وجاك
يا عظيم ويا فهيم ويا رزين
قلبي اللي لا كشفته ما خفاك
منه كود الا الغلا في كلمتين
ما يعرف ألا معزتك وهواك
وما تناسى ماضي الحب الدفين
لجل قلبك يا زعيم الحب هاك
قلبي الوافي خذه عندك رهين
وأدفنه في وسط صدرك يا عساك
لا بغيت تغيب تاخذني سجين
مما رآق لي[/align]
العرض العادي
