إلى منه جفاك اللي تودّه ولا تدري وش الّلي عنك صدّه
تجرّع مالح العبرات واصبر ترى كثر الشكاوى ما تردّه
وإلى من الّليالي عوّدت بـه تغانم كل فايت واستردّه
حذار تنشغل بعتاب خلّك ترى كثر العتب يمحي المودّه
ليالي العمر لحظاتِ قصيرة ومـا ودّعت منها لا تعدّه
تنهَض مثل صقرِ مد شوفه غداة الصبح روحه مستهدّه
وإذا حوّل على جول الحباري تولَّى خربها وإن طار ردّه
ترى الرجَال يثبت للشّدايد إذا مـــا هـــدّها وإلاّ تهــــدّه
من ارشيفي الخاص
يابنت ماني من مفارقك مغبــــون ---------- ولانيــــب ميت قبــــل موتي بساعــــه
ولانيــب قايل للمقفين تكفــــــون ---------- عيب علي الضعف عقب الشجاعــــه
[align=center]هلا بك يالهموم اللي غيابك صار شبه محال
هلابك مع مغيب الشمس ومع تنهيدة أحزاني
هلابك قربي يمي وأسمعك أخر الموال
وأصورلك عناجرحٍ تمكن بي وأعياني
تعالي ودي اشكي لك تعب قلب وهموم ثقال
وألم في داخلي يصرخ عناه اليوم أشقاني
تعبت أزرع وفا وأبني صروح مشيده بامال
وأمني نفسي بالفرحه وأعيش بعالمٍ ثاني
حسايف لانقضى عمرك تعيش أحلام ماتنطال
وكيف يتحقق المقصود وأنا حظي تحداني
تعلمت الصبر غصباً علي أتحمل الأهوال
لك الله يالهموم اللي أبد مايوم تنساني
وهلا بك دام لي صبرٍ بفضل الله يهزجبال
أبحضن بالحشا جرحي وبطوي صفحة أحزاني[/align]