السلام عليكم ورحمة الله وبركاته
كل عام وانتم بألف خير
اشتقت اليكم كثيراااااااا
وعساكم بالف خير يارب
تقبلوها كما هي
انتحر صمتي على كف الجسور
مابقى من بعدكم غير انتحاري
صدري اللي عام الاول هو صبور
ضاقت ضلوعي وصار الصدر عاري
في غيابي ماتمنيت الحضور
وفي حضوري علتي ليه تباري
فاقدن حسي ومعدوم الشعور
سارين بالليل مدري وين ساري
منك ضاع العمر في عمر الزهور
والامل مقتول في عز النهاري
قلت لي بتغيب لك عدة شهور
وانك بترجع تقدم لي اعتذاري
بس وينك ماظهر للنور نور
غيبتك طالت وانا مل انتظاري
لاتسامحني ترى قلبي غيور
لاتسامحني طرت لي بك طواري
لاتسامحني اذا غصت البحور
لاتسامحني اذا شبيت ناري
بس سامحني اذا زرت القبور
لان هذا الشي ماهو بختياري
دمعة العاشق مثل ريح البخور
لاحترق صدره يفوح الدمع جاري
يامعللني على برد السحور
والدفى مفقود والنور امتواري
راجعي نفسك ترى وقتك يدور
وكان دار الوقت ماتفيد العذاري
من غرورك اشبعي كل الغرور
واطعني قلبن على حبك يماري
ايه ... عندي بيت من بين السطور
فيه اقدم لك عزيز الاعتذاري
من رحلتي سالت دموع السرور
والفرح مجروح بأسباب انتظاري
كان صبري انتحر فوق الجسور
اعتقد حل القضيه بنتحاري
العرض العادي
