مساااااااءك رضا اخوي بحة الشوق
الله يسعدك على القصيده اللي اعجبتني صراحه وشدتني فكرتها لدرجة اني بغيت اجيب العيد به!!
شلون عاد ياطويل العمر ذي سالفته سالفه
تعرف اللي يقول اللي مايعرفك يجهلك
اول ماقريت القصيده بموضوعك لصاحبها ظافر العتيبي
حقيقه قلت هذا شاعر متمكن لكن شكله جديد ع الساحه لاني اول مره اسمع به<<اللي يسمعج يقول وكالة الشعر الشعبي
واقرى القصيده اكثر من مره لكن يوقفني شطر احس فيه شي ناقص وقلت عاد ابقلد غسان شاعر المليون وابدلي بدلوي واقترح زيادة حرف
لان احس النطق بدونه مايضبط
ويوم اني هممت<<اتعب ع الفصحى
بالرد وانا اتعوذ من الشيطان اللي ناقزن براسي هالفجر من الفضاوة
واكتب بقوقل اسم الشاعر
اثاريني بغيت اجيب الحفله الرجال اكبر من اني اضيف له لو نقطه
لكن سقط سهوا من نقلك اللي تشكر عليه
حرف بالكلمه اللي كنت انا بزيدعليها
وكلمه من الشطر قبل الاخير
الشطر اللي لحس مخي وخلاني اغثكم بالديباجه ذي هو::
كما نقلته انت,,
سوى الاشاعه قال ياصاحبي بص
لا يدخل صدرك احد دون ترخيص
والبيت الاصلي كان,,
سوى الاشاعه قال ياصاحبي بص
لا يدخل بصدرك احد دون ترخيص
وللامانه انا كنت بضيف حرف اللام
اما البيت الاصلي للشاعر قبل الاخير
يرص ويوزع واقول امش ما اقص
مافيه تكويشٍ ولا فيه تخبيص
ارجع واقول انا اصغر من ان اصحح لاي شاعر فلست شاعره لكني اهوى الشعر واستلذ به
واكرر اعتذاري
لاخي بحة الشوق المحترم اللي اسال الله ان يأجره بمصيبته اني دخلت موضوعه وقعدت اتفلسف :)