السلام عليكم يسعد مسائكم جميعا ياأخوان
للبيع كابرس 93 آخذه من اللي فاكه من محافظة شقراء ماشي 84الف ميل يعني حول 122الف كيلو
طبعا راعيه يقول فاكه من الجميح وجميع استكرات الجميح موجودة وهو صناعة استخدام امريكي ولكن الجميح جايبه جديد والموتر ماشاء الله لو تسوقه ماكأنه مشى بعد والتجربة خير برهان.
البدي: سليم ولاطقه ولارشة
المحركات:100%
كفرات جديدة واستمارة سارية وفحص جديد
كلاسيك داخلي رصاصي
الموتر بإختصار قمة في النظافة ماشاء الله وحقيقة على كلام اللي شافوه أنه من النوادر
طبعاً حدي النهائي فيه 50الف
واللي يجيب لي زبون له عندي سعي بذمتي1000
الجوال للتواصل/ 0557465202
اخوي تحيه طيبه
انا كل عمري مع الكابرس يعني مانفترق ابد
وارد الجميح يالذيب مايجي عداده ميل لو تطبق السما على الارض
قل نظيف اجي معك امريكي اجي معك مجدد اجي معك طيب عطني صوره للداخليه المراتب والطبلون
بس الله يرزق الجميع على دوره ماوصل هالسعر
حياكم الله جميعا
فعلا شر البلية مايضحك والموتر سيم 34000 أمس الخميس ببريدة
وأخوي العنزي الموتر لوتبي تشوفه الله يحييك عليه أربع إستكرات من الجميح وكذلك ممكن تستفسر برقم الهيكل من نفس الجميح.
ولا هوب حنا اللي نكذب عشان كومة دراهم أوحديد ياطويل العمر
وأحترم خبرتك بالكوابرس وعلى راسي
لكن سؤالي هل أنت شفت جميع الكوابرس ال 93 اللي بالسعودية ؟
طبعا إجابتك لا ... إذا أعتبر هالموتر من ضمن المواتر اللي ماشفتهن.