[frame="9 90"]
[align=center]
فليصمت الكلام هنااا ؛؛؛
أمااام البااذخ 00المتميز
الذى أستطااع أن يحلق بنااا في سماء مشااعر الروح
شاعر متمكن00 راقى!!
هو من قااال 000
لاعاد تنشدني عـن الحـب والشـوق
مليتهـا مـن كثـر شـوف الغليبـه
ولاعاد تزهمني باسم ( مشعل الشوق )
اسـمً نسيـتـه عـنـد أول حبيـبـه
أستطاع أن يطوع الحرف والمفرده ويصل للقلوب بكل يسر
وسهوله فحينما يلقى قصيده يلقيها بمفردات شعريه دسمه رنانه .
شاعر . فذ . صاحب كلمة مليئه بالحكمه والابداع معا ..
له اسلوبه الخاص وطريقته في صياغة القصيدة وعسف القاف ..
* عندما تكتب الشعر 00كيف تكون حالتك؟
عندما اكتب لاشعـر بما حـولي !
لاني اذهب في خيلاتي الى عالم اخـر
وهو عالم القلب
ارى مافيه من احداث وما يدور في متاهاته !
واحاول ان اترجم ما ارى واستعين بـ اللسان لكي يساعدني
في التحدث وتوصيل احساسي الذي يدو في داخلي
* ماهو البيت الذى دائما تردده بالمحاني دائما؟
ماذكر الا بيت واحد !
ايه كان البيت واحد
كنت اقوله بالمحاني !
والحين بفضح به لساني
تهز غصن الثقه ويطيح
غلاك حبه وراء حبـه
تهز غصن الثقه ويطيح
غلاك حبه وراء حبـه
تهز غصن الثقه ويطيح
غلاك حبه وراء حبـه
تهز غصن الثقه ويطيح
غلاك حبه وراء حبـه
* مفهوم الحب عند مشعل الشوق؟
الحب ورده وشوكها يوجع شوي
.............. واهمالها يذبل ويقتل شذاها
والآن ؛؛؛؛
[all1=FF0000]أطلق عنان الفكـر يامشعل الشوق 00
،،،، الذوق ولاغيـرك سوى طاري الذوق!![/all1]
[mark=000000]
[bor=FF3300][ آيــــــه أحبــــــــــــــك !! [/
color]] [/bor][/mark]
][ هذه مصاافحه أولى لمشعل الشوق في عاصمة الربيع ][
صباح الورد والياسمين ، صباح الجوري والريحان
ـــــ صباح الحب ياحلى حب ياجمل حب بأ شواقه
صباح الخير ياوجهه الخير صباح العاشق الولهان
ـــــ صباح الطله الحلوه بعينك ، ياجمل اشراقــه
انا أحبك ، نعم حبك ، وحبك يروي العطشـان
ـــــ وانا بــروي عطش قلبي بحبك حب عشاقه
حبيبي عينك الغره طرف ناعس طرف خجلان
ـــــ وبأهدابك تعذبني سحـر هـ العين مشتاقه
يلـومني وانا هايم بحبك يابعد من كان
ـــــ عسى من لامني يبقى يعيش الحب بـ فراقه
تعال احظن خفوقي حيل ولم الخافق الحيران
ـــــ يبي يمسي على شوفك ويبي يصبح على فاقه
احبـك كلمـةً ( قيلت ) وكلً قالها بالوان
ـــــ ولكن خالد الماجد بحبــك كثرت اوراقـه
كتبت اشعار لعيـونك وسطرنا حروف اوزان
ـــــ ولو تامر على روحي فدتك الروح خفاقــه
احبـك يابعد عمري احبك لو تبي برهان
ـــــ تناظر صورتي شفها ، كلام العين مشتاقـه
بعد كل الكلام الي كتبته وش تبي يافلان
ــــ احبك مـــوت لو تدري تموت اليوم بأشواقه
[mark=000000][ بردان / يعقب ، طاري البرد ][/mark]
بردان / يعقب ، طاري البرد وانكان
*** بردان يمك كل الاضلاع واحطـــــــب !!
هذه ضلوعي واحطب ان كنت بردان
*** واشعم بنار الوجد والشـوق يلهـــــــب
لاتشكي اللوعه ويرجف بك الشـان
*** لو شبطها باقي مــــع العمــــر يتعـب
ابطيت صدق / مسامحك مانت خوان
*** هـــذه ظروف والوقت والوقت يشعب
يبقى غلاك بصفحة العمـر عنـوان
*** رغم السنين الممحله وانـت تذهــــب
ممراح حلك دونه السيـف شامـان
*** وخيول شوقي وسط هالحل تهــــــذب
لاتذرف الدمعه على رمش الاعيـان
*** ويذوب شمعك وسط عيني وانا كتب
يمك غلايا ، يصعبـه كـل انسـان
*** ويفداك قلبٍ / بالغلا كـان أصعـــــب
يالوعة الفرقا عسـى خاطـرك زان
*** عسى مجييك شوق ماجيـت تلعــــب
[mark=000000][bor=FFFF00] ( وليم شكســــــبير )
[/bor][/mark]
عذراً ، لان البعـــد ياتي من الناس
ــــــــــــــ وفلسفـة ( بيــرون ) ماهي منيحـــــــه
أخطيت ياحضرة جنابك ولاباس
ـــــــــــــــ ونتائج المخطي تثير القريـحــــــه
بعض البشـر يخطي ولكن على ساس
ــــــــــــــ وبعض اختلاف الراي يمكـن نصيــحه
لكن مثلك بالخطاء ماله ، أقياس
ــــــــــ افسـدت كل اللي بنيـــته بصيـــحـــه
تدري ، مسائك خير مع زفرة احساس
ـــــــــــ وليـــم شكسبير المورخ نريحــــه
اقراء لـ سيمون المواسي لهم واس
ـــــــــــــ يمكـن تجــد حل العباره الصحيحــه
تدري بان سيمون قد قالها حاس
ــــــــــــ الحب لايمكن يمـــوت ونبيحـــــه
تبقى له الذكرى وذكرى له انفاس
ــــــــــــ تحيي عروقً بالحنايا جريحــــــه
واكبر دليل الحب لاصرت محتاس
ــــــــــــ قصة ( نمــر ) بابسط عباره صريحه
وانتي ، علاقة وقت ، مع طاري الناس
ـــــــــــــ ويمكن علاقه ( عا11بره ) بالشريحـــه
ياليتني ، بدنيــ(ة) بعيدين الارماس
ـــــــــــــــ احلم وحلم الحب ماهو فضيــــحـــه
دواس للظلمـــه ، وللـــــحزن دواس
ـــــــــــــــ ولا اعيــش وقتي بين طيحــه وطيحـه
لكن ظروف الوقت والوقت حساس
ــــــــــــــــ خلت يديني بالمواقف شحيحـــــــــه
بس اذكريني كل ماهب نسناس
ـــــــــــــ يمكـــن صدوف الدهـــر تاتي بريحـــه
..
اسف لان البعــد ، ليس من الناس
ـــــــــــــــــ لكن ظروف الوقت ماهي منيحــــه
..
وانا تركتك لاني انسان محتاس
ـــــــــــــــ وارجوك أسمـــي لايطـب الشريحــه
[mark=000000]لا00تتصــل!![/mark]
لاتتصل ماني على الصوت شفقان
وفـر، كلافـة عنوتـك. واتصـالـك
اللي زعل يبقى على طـول زعـلان
ومشكور ماقصرت يكفـي سؤالـك؟؟
مامشي ورى المقفي لو كـان ماكـان
اعز نفسـي صـوب رغبـة وصالـك
صحيح أحبـك مولعـاً فيـك هيمـان
وصوتـك يسافربـي لاعالـم خيالـك
لكن حبـي لـك ألـه اربـع أركـان
من دونهـا عنـدي قصيـره حبالـك
عزي ؟ وفهمك ؟ كلمتي ؟ وزود تحنان
وايضا الوفا ؟ واأبشر بقلبـي وفالـك
وأنكـان ناويهـا صـدوداً وهجـران
لابـوك لابـو الحـب لابـو جمالـك
أحقرك وانهي عشرتـك (ذل) حقـران
بهيبـك لينـه يخيـفـك000 أضـلالـك
ماقد سمعـت بـذل أنسـان لاأنسـان
منـي خـذه لاتسمعـه دوك جـالـك
لاتحسبيني شخـص بالسهـل ينهـان
منهو نواهـا محاولـه صـار هالـك
[mark=000000](شـــوف عـينك حــــــظ غـــــيرك )
[/mark]
صـرنـا محافل دون شعـري وشعـرك
ـــــــــــ ولاصـرت شـاعر لازم تكـون مغرور
هذه قناعة كل شـاعر وفكــــــــرك
ــــــــــــ لازم تويــد فكــرة الشعـــر وتبـــور
رمزية المعنــى ليا صار بامـــرك
ــــــــــــ اصعب بحـور الشعـــر من دونه بحور
دفن القضيه في دهاليز قبـــــــرك
ــــــــــــ نفس القضيــــه عنـــدما تبنش قبور
حاول تجـد حل العباره بعمــرك
ـــــــــــ والا تمــوت ، وسرها داخل صدور
يعني بصراحه ، دفن هالشعر ابـرك
ــــــــــــ بلا خراب بيـــوت ومقاشر نحــور
مافيـه شاعر وصل شعور صــدرك
ـــــــــــــ ياكود انــه يقبض الربــــح مشكــور
أما علاقــه ، اممممممم ياشين كبرك
ــــــــــــ ولادي اكمل ؟ ترى الوضع مخبور
نترك مجـال الصيــد لفجوج بــرك
ــــــــــــ وانتــه على كثــر الحباري بك قصور
ما تشوف عينك حظ غيرك وشرك
ـــــــــــــــ انـك تشـوف اللـي لها القلب مقهـــور
ان جيت بري جيت برك وبحـرك
ــــــــــــــ وان درت انا بــدور وادور وادور
طعـم الحلاو ، احلى ليا صار عمرك
ــــــــــــــ توك صغيــر وتعشق الحلو فرور
لكـن عمـرك قد تعـدى وابـــرك
ـــــــــــ خيـره لان الســن بالفــــم مكســور
ماودي ازيـــد السوالف وصبـرك
ـــــــــــــ لاتشوف شيً من دهش عينك تعور
خلك قنـــوع ، ولاتعانـــد بشعـــرك
ــــــــــــــ حنــا ملــــوك الشعـــر لو صرت مشهور
[mark=FFFF33][هجعـــــــــة الليل !!][/mark]
[poem=font=",5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هذه .. الحِكايا .. كان .. تبغى .. الحِكايا =.. سنين .. ودموع .. المحاجر .. هماليل !
كفرت.. البسمه.. واشيل .. الخطايا = .. وطيور.. حزني .. فوق .. صدري .. محابيل
وجه .. الزمن .. كشر .. بـ / حزنه .. معايا = .. والهم.. مركاضه .. مثل .. مركض .. الخيل
لاهجٌعت .. بالليل .. كل .. البرايا = .. تسريبي .. الضيقه .. مع .. هجعة .. الليـل
صٌمت .. الفرح .. والضيق .. وسط .. الحنايا = .. واعيش .. جسم .. وميت شعور وقتيل !
مثل .. الزاويا .. عشت .. صمت .. الزاويا = .. واضحك .. واجامل .. واخنق الهم .. واشيل
اشيل .. همي .. خوف .. يفضح .. سمايا = .. وتشوف .. ( ديمً ) .. عانقته .. المناديل
والوقت .. جاير .. والبلاوي .. ملايا = .. وصدورنا .. ماعاد .. تقوى .. المقابيل
ليت .. الغلا .. ينسى .. وانا .. انسى .. غلايا = .. او .. ليتها .. كذبه .. مثل .. كذبـة .. ابريـل ! ![/poem]
[mark=000000]
[ كفى يااقلب لاتحـــــــــزن ] [/mark]
اضيق وتزهق الضيقه / واحس ان الزمان يبور
وتبلد بالزمن همس الشعـور وذبلـت اوراقـه
كبت الحزن / يالينه تفجر خاطـري المكسـور
وغيمي من وراء ضفـة رموشـي لاح براقـه
وفيت ولا وفى غيري / عرفت ان الصدور قبور
ضحكت ولا ضحكت الا على عمر الشقا وشاقه؟
كفى ياقلب لاتحزن رغم كبـر الالـم والجـور
كفى نبكي على اطلال الزمـان المـر وافراقـه
تعلم مابقـى غيـر السوافـي والريـاح تـدور
ويخنق حلمنا حبل الفـراق ؟ الشيـن بخناقـه ؟
دخيلك مدها يدينك ! ومٌسك في عصاك الشـور
حرام يتـوه مسرانـا وتكسـر بالخـلا ساقـه
دخيلـك لاتخلينـي وقـاوم بالظـلام الـنـور
ترى شمس الامل تبقـى تمـد النـور بحداقـه
دخيلك لاتخلينـي اعيـش بظلمتـي محصـور
دخيلك لو على شانه رغـم كبـر الالـم لاقـه
[mark=000000]
( خــالد يحبــــــكــ؛؛؛ )[/mark]
خـــابر غلانا ، والغلا ، فـيك معهود
ـــــــــــــــــ مهما يتغــير وقتنا مع زمنـــــا
أنت الوحــيد الي من الناس موجود
ـــــــــــــــــ هامـــه ومثــلك للعـواذل حقرنا
لاجيتني جيتك تباشير وعهــود
ــــــــــــــ أطوي عروق البــيد من شان حنــا
درة بحــر لولو ومرجان ياجــود
ـــــــــــــ وتفشخري فوق المشاعـــر ياجنــا
يمــك انا درهمت لي ابكار وفروود
ــــــــــــ عربً اصيلات المحاسن تعنــــــــــا
حـبك تعلا فوق ثم فوق ثم زوود
ــــــــــــ وعرش المحبــه في وجودك تهنــا
بــاعـيد لك وافهـم ترى الفهـــم محدود
ــــــــــــــ واقراء حروفي فالبيـــوت وتدنــا
كتبت لك في كل بيتً ترى فــــود
ــــــــــــــ ( خــالد يحبــك ) لو تمعنت معنــــا
[mark=000000]
(يابنــت النـاس )[/mark]
قبل كل الكلام اللـي بتقولينـه يابنـت / النـااااس
ـــــــــــــ ترى حنـا (بـدو) يعنـي / كرامتنـا لهـا ، قيمـه
نعم نوفي.. نعم نخلص.. نعم نعشق بليا قيـاس
ـــــــــــــ حـرام نكـرر الغلطـه وكـل غلطـه بتعليمـه
ولدنا لويمووووت من الضمأ..قبل لايلفض الانفاس
ـــــــــــــ يقول الله ولايرجي ورى وجـه السمـاء غيمـه
واذا انتي ذكرتينـي وجيتـي للرجـاء واليـاس
ـــــــــــــ انا ماني على خبرك عسـى رب الجفـى يديمـه
هذاك.. اول انا هالحيـن لامرهـف!! ولاحسـاس
ـــــــــــــ خذي وقفه!! مع الماضي مثل ركعـه وتسليمـه
وانا مشره على بنيّه ولاعمـري حنيـت الـراس
ـــــــــــــ ياكوووود بسجدتي لله واعيـش وداخلـي شيمـه
وتجي ديمه! تجي مزنه!!! لاوالله منحنى لي راس
ـــــــــــــ بلا غـاده! بلامزنـه! بـلا رزحـه! بـلا ديمـه
وبعد كل الكـلام اللـي تقولينـه يابنـت النـاس
ـــــــــــــ تـرى حنـا بـدو يعنـي كرامتنـا لهـا قيمـه
[mark=000000][تـدرين ليـش أكــرهــك ؟؟ ][/mark]
وش عاد باقي والغلا صار مفقود
ــــــــ وجفت غصون الحب باول حصاده
هذا خطاي اني عطيتك بلا قيود
ــــــــ وقلت احتويك بكل صبر وجلاده
صحيح قلبك كان خالي ومجرود
ــــــــ ولايعرف اسلوم الهوا والسعاده !
وانا لقيتك عقب ماكنت ملهود
ــــــــ وارويت نفسك من سحابة وداده
ورشحت حبك دون ناقد ومنقود
ــــــــ وصرت الوحيد الي عليه الرياده
وعلمتك فنون المحبه ، مع الجود
ــــــــ وعلمتك اصول الوفا والسياده
لكن حسافه ، شفت نفسك بلا زود
ــــــــ وزميت روحك والغلا في مهاده
واصبحت قاسي قلب كالصخر جلمود ؟
ــــــــ وطاوعت نفسك بالبعد والبلاده
لكنٌ عادي ، دام مامثلك يفود
ــــــــ مثلك كثير وصار بالوقت عاده
تدرين ليش أكره ( وجودك) بالوجود
ــــــــ أقري معي أخر بيوتي بأفاده !!
متغطرسه وفيك اللكاعه بلا حدود ؟
ــــــــ وزودٍ على هذا ( غروك ) زياده
[mark=000000]( ليــــــه الزعل !! )[/mark]
ليه الزعل ؟ والعذر وافي محله
ـــــــــ وليه الجفا مادام قدمت الاسباب
مدام ماتدمح خطا كل زلــــه
ـــــــــ بكره تعيش العمر وحدك بلا اصحاب
كب الزعل والشوق بالقلب خله
ـــــــــ وخل العتب في بعض الاحيان ينساب
ليتك تعاتبني على كل علـــه
ـــــــــ حلو العتب لاصار من بين الاحباب
وشب الغلا والحب لا لا تفله
ـــــــــ مادامني جيتك على الحب طلاب
خل الوفا دستورك بكل مله
ـــــــــ ولم الصغير الي من الحزن مرتاب
الحب غايه وانت غايته كله
ـــــــــ وخذني بقايا انسان من وجه الاغراب
أسف حبيبي والغلا ، لا تمله
ـــــــــ يكفي جفاك اللي من العام منصاب
وارجوك سيف البعد لا لا تسله
ـــــــــ ماطاب لي جرحً مع الحب ماطاب
وان كان ناوي في فراقك مذله
ـــــــــ الله معك والدرب ياسع لــه ابواب
[mark=000000][الحظ الاقشـر !! ][/mark]
واحظي اللي شان والدنيا مشاكلها تزود
ــــــــــــــ والادمي لو زاد عمره زادت همومه عليه
كنت احسبني لاكبرت القى الفرح فيني يعود
ــــــــــــ اثر الاوادم لاكبرت تكثر مشاكلها وتتيـــه
وياصاحبي ياللي تشوف الجرح ولافيني تجود
ــــــــــــ ضاقت فجوجي والقدر حرم عليه مابيـــه
والدمعه الزرقا على خدي معالمها شهود
ـــــــــــــ والنفس عافت كل شيً في عيوني تشتهيه
وش حيلتي ياحظي اللي ظالمً مثل اليهود
ـــــــــــــــ مات الامل والحزن باقي بالقلوب ويحتويه
لا ياقدر وش بك على صاحبك والدنيا حشود
ـــــــــــــــ بكيتني وصار البكا شيً وفيني تهتويه
اسرفتبي ظلمك وانا ضايق ولاعندي حدود
ــــــــــــــ وخليتني شايب وانا توي صغيرً تحتفيه
يالله انا بوجهك ترى مليت حزني والصمود
ــــــــــــ افزع لعبـدً مالقى غيرك وحيدً ، يرتجيه
[mark=000000]طااال السفر 00والمسافر راح !![/mark]
طال السفر والمسافر راح
وانا انتظر رجعتـك ليـه
والدمع الازرق بعيني ساح
وقلوبنـا عدهـا ضحيـه
وراس العنا بالعنا قد طاح
وجرم الهوى جرهد النيـه
ماعاد لي بالصبر مفتـاح
وباب الهوى رافض الجيه
اشيل عمري بقايا جـراح
وجرح الغلا نـازفٍ فيـه
لاغيم يمطر / سمايا شاح
ولاشفت برق الغلا وضيه
ليت الليالي تعود افـراح
وليت الزمن يرجع شويـه
واعيش عمري وانا مرتاح
ولاذقت حسن الهوى وسيه
[mark=000000]( سموم التجاافى )
[/mark]
هبت سموم التجافـي والغـلا شحـت مزونـه
وامحلت خضر القلوب ويبست عروق المحبـه
وماتت غصون الصدور ، وطاح كل الورد دونه
وطارت اسراب الطيور وعاش هالعالم بكذبـه
وش بقى لي مابقى لي غير اجر الصوت كونه
يفهم اللي قد كتبته ، دام مـا(ب) البعـد سبـه
أشهد ان البعد موجع ، ليتـك تحـس بجنونـه
تطعن الخافق ، وانشهد شلفتـك أدمـت بقلبـه
وش جرالك يوم تبعد وانت غالي فـي عيونـه
وش حصلك وانت اقرب واحـدً غالـي يحبـه
وين عهدك ، واليمين الـي قطعتـه ماتخونـه
وهو اخر من يحبك ، وانـت اول مـن يكبـه
كيف ترضي بالاهانه وانت ماترضا ، المهونـه
هي سهله عند غيرك ،عندك انت تصير صعبـه
كثر مانشرب عذابك ، كثـر ماشفنـا طعونـه
كثر ماتاخـذ حنانـه ، والقـراح الـود عذبـه
انت غالي ؟ كنت غالي والغلا شيـد حصونـه
بس ريح البعد ، منك حتـت الصلـف وتذبـه
مابقى الا ذكريـاتً ، باخـر الليـل وسكونـه
كل ماتطـري عليـه ، تشعـم الخافـق تشبـه
اسدل الليل بستـاره والسـواد البعـد ,لونـه
والقمر اعلن خسوفه ، وسافـر الملتـاع قلبـه
ياسموم الضيق وينك هو بقـى شـي بشجونـه
هو بقى بالوقت عاشق يعرف اسلـوم المحبـه
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صحيح مخطي واخطي احيان واحيان = انسان ، والانسان ماهو بـمعصـوم
عد الخطا لي كبوة احصان ياحصان = واترك مشاريهك على ماكـر البـوم
الطيب ، له مجلس وله دوم عنـوان = بين العرب يذكر له الشـان ويـدوم
والطير ماهو كل طيـرً بـحـوارن = بعض الطيور افعالها ، يكسر السوم
خلك عزيز ودايم الـدوم لـك شـان = وخلك عن علوم الردييـن محشـوم
وافهم كلام اللي من الضيق بحـلان = ضاقت به اوساع الاراضي ومهموم
شاف الهوايل كلهـا ودوم خسـران = وعاف المنام وحظه الشيـن مقسـوم
ورغم الشقا والضيم له قلب ماهـان = عاند جموح الليل والظلـم والشـؤوم
واشعل قناديل السما بكـل الاعيـان = وكفخ جناح العز ثـم عانـق أنجـوم
انا تراني مشعل الشـوق وان خـان = لاخانـت الذكـرى مفاهيـم وعلـوم
دونك ذراعي تشتعـل نـار بركـان = ودنك عيوني تقدح اشـرار وسمـوم
لاشك مانت بتالـي العمـر كسبـان = لامن خسرت اللي لك يميـن ويقـوم [/poem]
[mark=000000]
ســــــــوااالف ليل 00!! [/mark]
سوالف ليل ، والعالم تبي تعرف سوالف ليـل
وانا والليل قد عشنـا حكايـة حـب ورديـه
نعم نحكي حكايتنا على نـور القمـر ونخيـل
نجوم الكون واشوفك سهيـل ونجمـةً ضيـه
احبك والقمر شاهـد علينـا والمتـون تشيـل
تشيل الحب لو تثقل حمول الحب فـي يديـه
سوالف ليل لو تـدري عـن بداخلـي ماقيـل
حرم بالله لاتبيـع البشـر وتمـوت انـا فيـه
حبيبي والعيون اللي علشانك جرفهـا السيـل
ابيك تحس في نار الدمـوع وشوقهـا حيـه
ترى واللي خلق سبع الاراضي مابقى لي حيل
على بعدك ، ولا اقوى فراقـك يالغـلا ليـه
هداية دنيتي حبـك ولـو ان الزمـان بخيـل
حرمني كل مشهاتـي ودونـك قفـل الجيـه
ظلام الليل لو يفضح بنوره كان شفت الويـل
تشوف الظلم في عينك يجرهدنـي بـلا فيـه
وانا والله في ليلك قتيـل ولابقـى لـي ليـل
ابي منـك تـرد الـروح والا تدفـع الديـه
[align=center]
[flash=http://www..swf]width=550 height=350[/flash][/align]
[mark=000000][bor=FF0000]][ الركــن الهاادئ ][[/bor][/mark]
الصباح الي تهنا بها محلا الصباح !
.............. في شجونـه رقص الغصن وسراب الطيور
***
ماسمعتـك قول ( أحبـك) قولها ، للعن ثــــــواك
ـــــــــــ وأعتبـرني ماسمعتـك حتى لو قلت أسمـعك
أبـك أنا من زود ( حبـك ) صرت أشكك في غلاك
ــــــــــ ولا أحــس انــك ( حبيبــي) لـين اسفلها معـك
***
أجــــرح مدام الجـرح يرضي غرورك
ــــــــــــــ أهم شي انـك تحس اني ابغاك
ماعاش من يجرح حبيبــي شعوورك
ـــــــــــــ ولاعاش من يمشي على غيـر ممشااك
***
محد(ن) عشق عشقي / انا حب بـجنون
0000قلبي براكيـن ( الولـه ) فيـه ثـارت
..
انظر حبيبـي بالفضـاء ثقـب الاوزون
00000منك انثقب ؟ حتى النجـوم ! استـدارت
..
يافتنةً / بالارض تمشـي علـى هـون
00000تواضعـت يـومً علـى الارض زارات
..
ياحكايةً تدهـش/ فكـر مـن يقولـون
000000قصة هوانا بالزمـن ،كيـف صـارت
***
الحب ورده وشوكها يوجع شوي
.............. واهمالها يذبل ويقتل شذاها
***
ماتشوف بيتـك داخـل القلـب فاضـي
ــــــــــــــــ واصبحت انا اشكي وحشة البيت والخوف
***
يااطير لا تنشد 00عن الحال يااطير
______ شاايب وتو العمــر بأول شباابــه
اكتب صباااح الخير 00والإ مساء الخير
ـــــــــــــــــ صبحـى ولبلى في عيوني تشااابه
***
اطلق محابيل الغلا ، دامهـا فـراق
صدر السما ياسع مشـارف كنينـي
،،،، تعبت اقول انك مع الوقـت تشتـاق
،،،، وتعبت ائنـب ، باقـي الـود فينـي
لاصرت ماتفهم مناديـب الاشـواق
،،،، مالله يحـدك فـي وجـودي تجينـي
هذه خطاي / وشرهتي شرهة احداق
،،،، اللي تهـل باصافـي الدمـع عينـي
لكن خطا / وكلً مع الوقت وان ضاق
،،،، بيديه يحصد مـا حصـدت بدينـي
*
*
*
ريم النواااظر
[/align][/frame]
][* مشعــل الشــوق في ضياافة الريم *][
العرض العادي
