السلام عليكم ورحمة اللـه وبركــاته اقدم لكم الـــذ واطيب قصيده مرت على مسامعي اترككـــم معهـــا يقول من عدا على راس عالي رجم طويل يذهله كل قرناس في راس مرجوم عسير المنالي تلعب به الارياح مع كل نسناس في مهمة قفر من الناس خالي يشتاق له من حس بالقلب هوجاس قعدت في راسه وحيد لحالي براس الطويل ملابقه تقل حراس متذكر في مرقبي وش غدالي وصفقت بالكفين ياس على ياس اخذت اعد ايامها والليالي دنيا تقلب ما عرفنا لها قياس كم فرقت ما بين غالي وغالي لوشفت منها ربح ترجع للافلاس يقطعك دنيا ما لها اول وتالي لو اضحكت للغبن تقرع بالاجراس المستريح اللي من العقل خالي ما هو بلجات الهواجيس غطاس ماهوب مثلي مشكلاته جلالي ازريت اسجلهن بحبر وقرطاس حملي ثقيل وشايلة باحتمالي واصبر على مر الليالي والليالي والاتعاس وارسي كما ترسي رواس الجبالي ولا يشتكي ضلع عليه القدم داس يابجاد شب النار وادن الدلالي واحمس لنا يابجاد ما يقعد الراس ودقه بنجر ياظريف العيالي يجذب لنا ربع على اكوار جلاس وزله الى منه رقد كل سالي وخله يفوح وقنن الهيل بقياس وصبه ومده ياكريم السبالي يبعد همومي يوم اشمه بالانفاس فنجال يغدي ما تصور ببالي وروابع تضرب بها اخماس واسداس لاخاب ظني بالرفيق الموالي مالي مشاريه على نايد الناس لعل قصر ما يجيله ظلالي ينهد من عال مبانيه للساس لاصار ما هو مدهل للرجالي وملجا لمن هو يشكي الضيم والباس بحسناك يامنشي حقوق الخيالي ياخالق اجناس ويامغني اجناس تجعل مقره دارس العهد بالي صحصاح دوِّ دارس مابه اوناس البوم في تالي هدامه يلالي جزاك ياقصر الخنا وكر الادناس متى تربع دارنا والمغالي وتخضر فياض عقب ما هيب يباس نشوف فيها الديدحان متوالي مثل الرعاف بخصر مدقوق الالعاس ونثير على البيدا سوات الزوالي يشرق حماره شرقة الصبغ بالكاس وتكبر دفوف معبسات الشمارلي ويبني عليهن الشحم مثل الاطعاس ***************************** صح لســانه والله يرحمــــه *************************** القصيده عندي في مجملهــا قمــه وهي ملحمــه شعريه بالفعــــل وانشالله تحوز على اعجابكم اترككم مع صوت العرب وانا معكـم http://www.6rbtop.com/library/resour...en/8706_hi.ram
الله عليك اخوى مرشد وهذه القصيدة احفظها عن ظهر قلب محمد الاحمد السديرى علم شعر
فعلا قصيده رائعه صح لسان قائلها ويسلم بنان ناقلها يعطيك العافيه أخوي مرشد تقبل مروري
صح لسانك يالغلا ولسان الشاعر الله يرحمه يعطيك العافيه على نقلها لنا..
اقتباس: المشاركة الأصلية كتبت بواسطة عبادي صريح الله عليك اخوى مرشد وهذه القصيدة احفظها عن ظهر قلب محمد الاحمد السديرى علم شعر لاهنـــت عبــــادي وشاكر لك مرورك
اقتباس: المشاركة الأصلية كتبت بواسطة نورة 14 فعلا قصيده رائعه صح لسان قائلها ويسلم بنان ناقلها يعطيك العافيه أخوي مرشد تقبل مروري شاكر لـكـ مرورك العـــذب نــوره
اقتباس: المشاركة الأصلية كتبت بواسطة ناجي الحفراااوي صح لسانك يالغلا ولسان الشاعر الله يرحمه يعطيك العافيه على نقلها لنا.. الله يعــــافيك اخوي ناجـــي ولاهنت على هالمـرور
!! !! نعم تعتبر أرقى وأجود قصيده فهي تعتبر مكسب للشعر 00 000 جمال أدبي راااقي وأبداااااااااااااااااع أختياار رائع 000 حقا لقد أستمتعت بالقصيده علي صوت محمد عبده يعطيك ألف عااافيه تقبل مروي 00وتقديري 0 0 0 تحياااااااااااتي الري ـــــــــم *****
صح لسان الشاعر والله يرحمه وصح قلبك وسلمت يمينك على النقل واطربك الله بكل خير مثل مااطربتنا بصوت القصيده