لاضاق صدرك ادع ربك يجيبك = ولاتشتكي للناس لله شكواك

[هجير]

لاضاق صدرك ادع ربـك يجيبـك
ولاتشتكـي للنـاس لله شكـواك
ماصار مكتـوبٍ بوقتـه يجيلـك
من خير ولا شـر لآبـد ينصـاك
أصبر على ماجاك وأرفع يدينـك
وأطلب من الرحمن يالله رجـواك
وأياك ثـم ايـاك تدمـع بعينـك
والله دمع العين ماهـوب بـدواك
خلك صبور بوقت شـده تصيبـك
وخل العزم في حالة الضيق مبداك
والرزق عند اللي خلقنـا وكيلـك
اموزع الأرزاق يعطـي ويرعـاك
واللي عليك مسح عارق جبينـك
يعني على ماقيل تسعى بيمنـاك
ولاجاك رزقك أشكـر الله يزيـدك
وحذراك تتكبر إلى منّـه أعطـاك
ترى التواضع من تعاليـم دينـك
واللي تواضع يرفعه رب الأمـلاك
هذي نصيحه من مجـرب يبيلـك
خير ٍ يدوم ومسلك العز بخطـاك


صح لسااانك يامطول الغيبات

[أبونو]

ماصار مكتـوبٍ بوقتـه يجيلـك
من خير ولا شـر لآبـد ينصـاك
أصبر على ماجاك وأرفع يدينـك
وأطلب من الرحمن يالله رجـواك


أبيات نصايح تدعو للصبر والتوكل على الله
صح لسان من كتبها ونقلها ...

[هجير]

صح بدنك اخوي والف تحيه لك

[ابو سعود 777]

قصيدة رائعة وجميلة

كم من واحد ضاقت عليه الوسيعه من مصائب الدنيا المتعددة

في هذه الحالة ما نقول إلا ان الصبر مفتاح الفرج وأن بعد العسر يسرا

صح لسان صاحب القصيدة وناقلها

[صقار]

يالله رجواك ...
مبدعه اوخيه ..
وصح لسان مبدعها..

[هجير]

ابو سعود ----------- صح بدنك اخوي شاااكره لك على تواجدك




صقار ----- صح بدنك ياخوي والله يعطيك الف عافيه

[ناجي الحفراااوي]

أصبر على ماجاك وأرفع يدينـك
وأطلب من الرحمن يالله رجـواك
وأياك ثـم ايـاك تدمـع بعينـك
والله دمع العين ماهـوب بـدواك


.

.

صح لسانك وسلم بنانك ياهجير على هذا النقل الجميل

للقصيده

الله يعطيك العافيه..

[هجير]

صح بدنك اخوي والله يعطيك الف عافيه على تواجدك

شكرا لك

[ح م ا د]

أصبر على ماجاك وأرفع يدينـك
وأطلب من الرحمن يالله رجـواك
صح السانك اختي على القصيدة الرائعه

[هنوف نجد]

لاضاق صدرك ادع ربـك يجيبـك
ولاتشتكـي للنـاس لله شكـواك
ماصار مكتـوبٍ بوقتـه يجيلـك
من خير ولا شـر لآبـد ينصـاك


:

:

صح لسان شاعرها

وسلم بنانك هجير

لكــــــــ// تقديري واحترامي