اتصل بادارة الموقع البحث   التسجيل الرئيسية

 


العودة   منتديات عاصمة الربيع > الاقسام العامه > الــمــال والأعمـــال

الــمــال والأعمـــال يهتم بأخبار الاقتصاد والاسهم والشركات

 
 
أدوات الموضوع انواع عرض الموضوع
قديم 21-01-06, 11:30 PM   رقم المشاركة : 1
كل العرب
قلم متميز
الملف الشخصي






 
الحالة
كل العرب غير متواجد حالياً

 


 

سافرت لقطر للاكتتاب .. وتفاجأت بـ ... !! للاسف ( بالصور )

[align=center]السلام عليكمـ ..

طلعت من الدوام يوم الاربعاء الموافق الـ 18 / 12 معينن من الله خير وعافية .. والا ذاكـ الخوي لي

جاي لمي وقال هاه يابو وليد ( اللي هو انا ) وش رايكـ ؟

قلت وشو بس اللي وش رايي فيه ..

قال وش رايكـ نروح لقطر الحين ونكتتب ونرجع بمصرف الريان القطري >> قلت تحسب قطر الرياض انت ووجهكـ

قال ماعليك باذن الله بكرا الخميس عند اهلك مع المغرب >> قلت له اكيد قال اكيد نكتتب ونرجع على طوول <<

المهم انا قلت لاهلي ابروح لقطر شغل وراجع >> لو اعلمهم انه اكتتاب وراجعين كان قالوا اركد بس ماتسوى الطريق والخساير .؟.

ومرني خويي الساعة الـ 5 عصرآ ومسكنا الخط الى دولة ( قطــر ) ( طبعآ كل خطتنا نبي نكتتب ونرجع بكرا على طول

المهم ( دووووس خويي 180 كلم ) والا الساعه الـ 9 ونصف طابين الاحساء >> ماشاء الله علينا دايسين ) ..

وسوينا مخمخة حنا وقلنا خلنا ننام بالاحساء والصباح رباح مثل مايقولون

ودورنا فندق او اي شي ننام فيه >>> وفجأة طلع بوجهنا فندق ( الانتركونتيننتال ) وقلنا ياولد خلنا نضرب بالريال هالمرة ونسكن فيه هههههههههه

المهم اخذنا غرفة بالفندق تدرون بكم >>>>>>>>>>>>> 633 ريال ! ولما خرجنا طلع الحساب 800 ريال ( حرامية ) وحنا هدورة بعد ههههههههه

المهم قمنا الساعه 8 صباح الخميس ودسنا لقطر على طووول منفذ سلوى ..؟ ووصلنا المنفذ الساعه 10 ونص

وتدرون متى طلعنا من المنفذ ودخلنا قطر >>>>>> الساعة الـ 1 وربع الظهر ههههههه ( أمة محمد بالمنفذ داخله قطر ) >>




دخول دولة قطر

والقطريين اول مرة يجيهم هالشي هذا بغت تخسف بنا قطر .. ماتتحمل هالعالم على ارضها ماقد جربوا

ودخلنا قطر على طووووول لملعب قطر الرياضي ( طبعآ نبي نكتتب ونمشي كما هي الخطة !! )



نادي قطر الرياضي


وصلنا الملعب بعد جولة ( ضعنا ) بقطر والا أمة محمد هناكـ بانتظارنا عند الملعب ناس ماتحصى الصراحة ..

المهم مسكنا ( سرا ) نبي ناخذ الارقام للدخول والقسائم للاكتتاب ..

مسكنا سرا من الساعه 3 الظهر الى الساعه 6 .. وبعدين قالوا لنا مافيه ارقام ( مسكنا سرا على الفاضي ههههه )

والمهم بدينا نلاحظ ان الدعوة ماهي اللي حنا نبي .. الدعوة فيها ( سوق سوداء ) وبيع وشراء ..



ياولد مالنا الا الدفع والا والله مانمشي الا الاسبوع الجاي من العالم .. وكان الرقم واصل على 2400والتوزيع متوقف على 8000 يعني لو أخذنا رقم مع الناس ماندخل الا بعد 4 ايام !!

المهم لقينا واحد يبيع ارقام وشرينا رقمين بـ 400 ريال .. الرقم الواحد بـ 200 ريال .. اخذت انا وخويي رقم والرقم الثاني شروه ناس من ( بريدة ) لقيناهم هناكـ بقطر وشبكنا معهم ههههههههههههه

المهم تخاوينا حنا والبريداوية اللي هناكـ ( ماتبي شي على طوووول خويا )

وسكر الاكتتاب ليوم الخميس الساعه الـ 8 مساء ولاحصلنا اي شي الحقيقة .. وتنكدنا بغينا نمشي لاهلنا من الكسل

فترة دفع المال الان


المهم صدفة وحنا نمشي مع هالعالم لقينا واحد ( حساوي ) معه رقم للبيع وكان الرقم ( 2800 ) يعني حسب المعطيات راح الرقم هذا يدخل بكرا اكيد .. وحنا واياه ونشتري الرقم منه بـ ( 300 ريال ) رخيص قوووة ..

وبدينا نحوس مع هالعالم عند الملعب ونتلفت هنا وهناكـ .. واذا بنا نلقى واحد سعودي معه رقم للبيع وكان الرقم هو ( 2403 ) يعني بكرا الجمعه اول رقم يدخل هو ( مميز قوووووة ) .. وحنا واياه ونشتري الرقم منه بـ 500 ريال ( الله يخلف )

ويوم شرينا الرقم رحنا ندور مكان للعشاء ونبي ننام دايخين قوووووووووووة

ورحنا حنا واصدقاءنا الجدد الى البر ونمنا بالبر ( انا نمت بالسيارة لاني مامعي فراش ) مادريت ان الدعوة به نوم ههههههه

وفي الصباح رجعنا للدوحه وصلينا الجمعه وفتح الاكتتاب الساعه الثانية ظهرآ .. وطبعآ دخل خوينا بالجوازات كلها برقم واحد وجلسنا نستناه برا ..


شغلة السماسرة ..

المهم وخوينا داخل للاكتتاب حنا استغليناها فرصة لتصريف الارقام اللي معنا وهن ثلاثة ارقام .. لسنا بحاجة لهن الان بعد مادخل خوينا خلاص ..

الناس بالسرا والارقام مافيه ليومين متتاليين !!

وكانت الارقام اثنان بـ ( 4000 ) وواحد بـ ( 2000 ) يعني الاخير هذا مميز الان وراح يكون دخول صاحبه بعد ساعة بالضبط

وبدينا البحث عن مشتري لتلك الارقام .. ولله الحمد بعنا اللي بالـ ( 4000 ) الاثنين بـ 450 ريال كلهن يعني كسبنا خمسين ريال منهن

والان بقي الرقم الغالي معنا وهو الـ ( 2800 ) اللي اشتريناه بـ 300 ريال فقط .. وباقي على دخوله فقط ساعة واحدة يعني موووت قوة ..

ومنا ومنا وياصل لـ ( 1000 ريال ) لكن احنا طماعين شوية .. والا ذاكـ ( الاماراتي ) اللي شكله مالن من الجلسة يجي ويرفع سعره الى ( 1200 ريال ) والله ونبيعه عليه ..

ونطلع كسبانين من شغلة بيع وشراء الارقام 450 ريال .. خليناهن للطريق والعشاء والبنزين ههههههههه

والمهم خلص خوينا الساعه تقريبآ 3 ونص الظهر الجمعه .. ونجي نمسك الخط بعد مرور المعارض وبعض الاسواق على السريع

ونطلع من الحدود الساعه الـ 7 مساء .. والساعه الـ 1 ليلآ ونحن في دائري بريدة الشرقي ولله الحمد ..

واسف على الاطالة .. ولكن حبيت اعلمكمـ الوضع هناكـ .. واللي يبي يستشير بأي شي عن الاكتتاب اذا كان يبي يروح لقطر يرسلي رسالة خاصة ههههههههههه خبرة الان

نقااااط ..

* افراد قطر كانوا يمارسون الـ ( بحث ) والتحري عن اي بيع او سمسرة للارقام هناكـ ويتعانون مع الشرطة هناكـ للقبض على المخالفين !!

* هناكـ بعض افراد بنكـ قطر الوطني يمارسون الغش هناكـ وهو تخليص اوراقكـ نهئيآ والاكتتاب لك في مبلغ خيالي من المال دون علم المسؤلين عن البنكـ !!

* مدينة الدوحة كأنها جديدة كل شي فيها بناء جديد وطرق جديدة وربما بعد 3 _ 4 سنوات تصبح مدينة جديدة كليآ !!

* كل شي حالة استنفار في قطر بسبب هذا الاكتتاب !!

* السكن والفنادق في قطر فترة الخميس والجمعة ( فل 100 % )

منقوول من صديق لي

ودمتمـ [/align]







التوقيع :

قديم 21-01-06, 11:57 PM   رقم المشاركة : 2
طلال المطيري
مشرف سابق
الملف الشخصي






 
الحالة
طلال المطيري غير متواجد حالياً

 


 

الحمد لله على السلامة يابو وليد

ماشاءالله من كثر الفلوس ماكفاك الاكتتاب في السعودية ورحت لدولة قطر ههههههههههه

على العموم خبرة الحين بس المشكلة تدور شايعة انة يبي يصير مثل دانة غاز والله ماندري بس نحطها في الاكتتابات الي عندنا احسن .................

الحمد لله على السلامة وانشاءالله يصل السهم الف ريال قطري بس لا تتكبر علينا اذا وصل هذا السعر ههههههههههههههه


تحياتي ..............







التوقيع :

قديم 22-01-06, 12:19 AM   رقم المشاركة : 3
جنتل حرب
عضو ذهبي
الملف الشخصي







 
الحالة
جنتل حرب غير متواجد حالياً

 


 

الحمدلله على القناعه اللهم لاتبلانا وش جارى على اروح لهل التيووووووس







التوقيع :
اى معـــــــــــــــــزه ونت خليت فيهـــــــــــــــــــــــــــا شى

قديم 22-01-06, 01:53 AM   رقم المشاركة : 4
امــــــ الليل ـــــير
مشرف سابق
الملف الشخصي






 
الحالة
امــــــ الليل ـــــير غير متواجد حالياً

 


 

ههههههههههههههههههه


رحله جميله جداااااااااااااا


بالله عليك مع التعب والبهذله


ماتذكرت بلد الخير السعوديه







التوقيع :



لمراسلتي اضغطهنــــــا

قديم 22-01-06, 02:33 AM   رقم المشاركة : 5
^حفراوي^مغترب^
عضو برونزي
الملف الشخصي







 
الحالة
^حفراوي^مغترب^ غير متواجد حالياً

 


 

[align=center]
قطر

شعبها الطيب وانا اقولكم عن تجربه وموقف صار لي شخصيا

كنت راجع من لندن علي الخطوط القطريه (لندن-الدوحه-الكويت)

المهم نزلت في قطر وباقي 12 ساعه علي رحلتي من الدوحه للكويت

مليت من المطار صغير ولا فيه شي قلت خلني اطلع ادور لي مقهي شيشه ( شيشتي ما اتركها حتا بلندن معي )

المهم طلعت واخذت تكسي وقلت ودني مقهي شيشه ونزلني عند مقهي الصيادين علي الكورنيش

الحقيقه ما اعجبني المقهي وقلت ابي اغيره ووقلت ادور تكسي وما حصلت تكسي وشكلي غريب علي الديره

انتظرت وانتظرت ولا حصلت تكسي الين جاني ثلاث شباب قطرين وقالوا انت من وين وقلت لهم سالفتي اخذوني

وبدل ما نروح المقهي اخذوني لبيت واحد منهم بالغصب حتا قلت هذولاء اختطفوني !

وماقصروا والله قهوه وشاي الين روقت والحمد لله اني الرحله الساعه 10 ص ولا كان ابتلشت بالغداء والي اليوم

بينا اتصل بيني وبينهم

حبيت قطر والسبب هم والله الله يووفقهم

والسلام....[/align]







التوقيع :

قلت لشجرة اللوز: "حدثيني عن الله يا أختي"، فأزهرت شجرة اللوز!



hafer-albatin@hotmail.com

قديم 31-01-06, 10:18 AM   رقم المشاركة : 6
تسواهن
مشرف سابق
الملف الشخصي






 
الحالة
تسواهن غير متواجد حالياً

 


 

[align=center]

رثعتـــوا بنا يالسعــوديين ورحتوا




ترى فيه اســهم شهـــر اربعه وشهر ثمانيه حلوه بالحـــيل بقطـــر للخليجيــن


لا تفوتكم


بس رجــاءا كل واحد يجـــيب معاوه خيمتوه


واللي ما يلقــى مكان الله محييــة بمضيــف اهلـــي



هلا بكم مليـــــــــون




مراسلتكــــم من الدوحه


تســواهن
[/align]







التوقيع :

قديم 12-02-06, 12:28 PM   رقم المشاركة : 7
تسواهن
مشرف سابق
الملف الشخصي






 
الحالة
تسواهن غير متواجد حالياً

 


 

Talking

[align=center]مبروك عليكم


140



وعقبــال الجايات ان شالله
[/align]








.







قديم 12-02-06, 05:15 PM   رقم المشاركة : 8
ابطال الحفر
مشرف سابق
الملف الشخصي







 
الحالة
ابطال الحفر غير متواجد حالياً

 


 

توه كشف شغله



اكيد بنروح مضايف اهلك وعيباه بس سنين معنا واخرها نسكن بفندق ولا خيمه


اسكتي لايسمعك ابوك يذبحك



يااارب اقرب اكتتاب ناوي يطبح عليهم







التوقيع :
موقوف من قبل الإدارة

قديم 14-02-06, 06:58 PM   رقم المشاركة : 9
تسواهن
مشرف سابق
الملف الشخصي






 
الحالة
تسواهن غير متواجد حالياً

 


 

[align=center]هذا اللي ما صـــدق احد يعزموه


ابلــــــــــــــــــش



ترى نمزح يا رجال

زهفت زهفـــه



يا خوفي بكره القى السيارات بالحوش كلهم اعضــاء المنتدى



اقول ما فيه اسهم ولا شئ اقعدوا وارجهنوا
[/align]







قديم 14-02-06, 09:18 PM   رقم المشاركة : 10
ابطال الحفر
مشرف سابق
الملف الشخصي







 
الحالة
ابطال الحفر غير متواجد حالياً

 


 

خخخخ




عيب على الرجل يتقي عقب ما بان خخخخخ وخلي جدتك تكمله







 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:30 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم