سؤال يالربع أنا أبي أبني خاص ((لأهل العقار))

[بطاح]

السلام عليكم ورحمة الله وبركاته

أنا عندي ارض مساحتها 400 م وأبي أبني بيت عظم علما بان مساحة البناء 360 م

طبعا البيت دور ارضي

السؤال الاول : كم سعر المتر؟

السؤال االثاني: كم أسعار الحديد ال 8 ملي و ال14 ملي ؟

السؤال الثالث: كم أسعار الرمل (المساح ) و( الدفان) و(الحصى)؟

السؤال الرابع: كم سعر الشيول(الجرافة)؟

وابي مقاول معروف بأمانته واذا واحد يعرف مقاول رخيص وممتاز لايبخل علينا

والله تراني جاد وابي ابني قبل لاتطير الاسعار

تحياتي لكم جميع

[ايكو]

مالي علم بالعقار

بس انصحك الان تدخل سوق الاسهم

ماراح يطير البناء الان نهائي تطمن كل ماله ينزل

لعدة اسباب

الان حاصل بالعقار تصريف وركود عام ونزول خفيف وفيه توجه قوي للأسهم الان

لا تستعجل في البناء وضخ الي معاك بالاسهم مطوله تنهار لا تخاف :)

والصندوق العقاري بدون ارض وبدون مده يعني لو تترك القرض 20 سنه مو طاير يعني الناس مافيها عجله على البناء

[هجمة عكسية]

اقتباس: المشاركة الأصلية كتبت بواسطة ايكو    مالي علم بالعقار بس انصحك الان تدخل سوق الاسهم ماراح يطير البناء الان نهائي تطمن كل ماله ينزل لعدة اسباب الان حاصل بالعقار تصريف وركود عام ونزول خفيف وفيه توجه قوي للأسهم الان لا تستعجل في البناء وضخ الي معاك بالاسهم مطوله تنهار لا تخاف :) والصندوق العقاري بدون ارض وبدون مده يعني لو تترك القرض 20 سنه مو طاير يعني الناس مافيها عجله على البناء

ما عليه نصيحة فاشلة
حبيبي مافي مثل البيت لا إيجار ولا هم آخر الشهر


1 - سعر المتر بالوقت الحالي تقريبا 150 ريال

وبعدها انت وشطارتك مع المقاول
وعلى حسب المقاول اذا ماسك شغل واجد أو لا

2 - السعر ثابت عند الفوزان والراجحي لحديد سابك

والحديد القطري نفس جودة سابك بس فرق 10 ريال

3 - المساح من 400 ريال إلى 450 ريال وعليك بمساح الظرف ترى فيه نوعين خذ اللي 450 ريال واذا استمريت معاهم ينزلون بالسعر

الدفان من 100 ريال الى 140 ريال على حسب شطارتك

الحصى يفرق بين حق الحفر وسامودة حصى سامودة اجود واغلى تقريبا 450 ريال

الشيول على حسب حاجتك دفن القواعد غير الميدة والحوش وبعد يعتمد على شطارتك
القواعد ب200 ريال

الميدة ب500 ريال

وإذا بتحسبها حسبة نهائية كم يكلف عليك البيت

أضرب المسطح ب1000 للشغل الممتاز

والشغل الوسط ب850 ريال

والعادي ب750 ريال

ولا تعتمد على الثقة حتى لو كان عرف

عليك بالعقد ومدة انتهاء الشغل وشرط جزائي عن كل يوم تاخير لا يقل عن 200 ريال علشان ينضبط معاك


والله يعطيني العافية

[ابو لين]

الاخ العزيز اذ انت ناوي البناء
خذ النصيحه من المجرب المقاولون
سلم بيتك بالمتر شغل يد تقريبا السعر من 100الي 120
وانت جيب المواد احسن لك

[ايكو]

كرمال عيون الشيخ بطاح تم تعديل المشاركه

[بطاح]

لا يالربع الله يجزاكم خير أخوي ايكو جزاك الله الف خير على النصيحة

واخوي هجمة عكسية نعم كلامك صحيح البيت لايجار ولاهم

على العموم مشكوووووووورين والله يبارك فيكم

والله لو ادري ان موضو عي هذا يسبب هذا الكلام بينكم لما وضعت موضوعي بالاساس

تحياتي لكم جميع / الشيخ بطاح

[بطاح]

حبيب قلبي اخي أيكو

[test]

الله يوفقك

[هجمة عكسية]

صايرة هوشة عقبي وانا مدري


الله يهديكم كل واحد يصلح سيكله قصدي سيارته وسهالات

[ابراهيم المطيري]

المتر على حسب مخطط البيت
وتتراوح الاسعار من 100 الى 120
انا عندي مؤسسه مقاولات اذا حاب تمر علي بالمكتب حياك الله
0541819777