مرحبا
انا مادري اذا هنا الموضوع مكانة ولا بقسم ثاني
انا مريت بتجربة وحابة ان الحريم ينتبهون منها
انا نقلت لبيت دور ارضي وطلبت من زوجي انة يكلم جيرانا اني ودي اتعرف عليهم
قالي طيب
المهم يجيك ذاك اليوم زوجي راح لدوام الظهر رن الجرس استغربت رديت من الانترفون
الى حرمة تقولي هذا بيت ابو فلان قلت وش تبين قالت انا جارتكم ام فلان
وانا من الفرحة انط وافتح لها الباب وانا واثقة انها ماهي شخص ثاني لانها قالت اسم زوجي
ودخلتها وجلستها قالت والله مانتي رايحة تسوين شي
ويوم جلست الى حسيت برودة بجسمي وشي دخل اذني وحسيت فية لة صوت يخوف مرة
عاد ذاك الوقت حسيت اني شخص ثاني
قالت لي انها ماهي جارتنا وانها محتاجة ومن هالكلام
وانا بدون شعور قمت ورحت لدرجي وبنفسي اقول كذابة وفي نفس الوقت احس شي يقولي
لا الهم واطلع لها كل الي كنت حاطتة على جنب على ان ماعندي غيرهم والظروف زفت
ويوم رحت لقيتها وراي شوي بتدخل غرفة النوم حقتي
واعطيتها المقسوم .....قالت بس مايكفي ومن هالكلام ..........وقامت تدور بالبيت حتى بنتي الصغيرة
مادري وش صار لها
المهم انها طلعت والحمد لله الي ماصار لي شي ثاني
بس من جد شي يخوف وجسمي يرجف منة للحين
ولا الاحساس الي جاني والصوت البرودة الي ملت جسمي شي ثاني
انا ادري اني غلطانة افتح لها بس مو من عوايدي افتح لشخص ماعرفة
بس سبحان الله كيف مشت علي ذاك اليوم
وجارتي بعد فترة بعد صار لهامثلي
اهم شي ان الوحدة ماتدخل وحدة الى تعرفها
واذا كان عندها ضيفة جديدة تعلم زوجها سبحان الله عشان تلحق عمرها لاتنسحر مثلي
بس وسلامتكم