يوم مرّت قلت لحظه قالت انتـه ش تبــــــــــي
هات علمك قول يالله هات علمك هات هـــات
قلت مادري بس شفتك قمت اصفِّق بركبــــي
تهت فيكُ وْضعت بين عْيون سودٍ ناعســـات
قالت اخطيت الطريق وْقلت من قلّـك نبــــــي
كلنـا نخطـي ونخطـي ميـر لله الثبــــــــــــــات
قالت اطغاك الغرور ولاتجي ربـع ذْهبـــــــي
قلت جوزي عن غلطك ولايجي منك انفلات
ماني بْعبدٍ لابوك ولاشْتغـل عنـدك صبــــــــي
لاولا جيتك فقيـرٍ يطلـب ايديـك حْسنــــــــــات
قالت الظاهر زعلت وْقلت انا رجلِ عْربــــي
عزّتي تسمـو سمـو الشامخـات النايفــــــــــات
قالت امزح قلت مزحك زوّدِجْـروح اتعبـــــي
كلِّ شي الا الكرامه مابهـا جـودُ وْهبـــــــــات
قالت اطلبك السموحـه والعفـو ذامطلبــــــــــــي
ماقصدت اجرح شعورك ياجريح الذكريـات
والله لسانك فصيح وْمذهبـك مـن مذهبــــــــي
بس فيك من الغموض اشياء واشيا مبعثرات
بسألك وش تفتخر به قلت قصـدك منسبـــــي
منسبي من منسب اهل الطيب واهل المكرمات
ربعي اللي فاللوازم ماتجـي مشـيُ وْحبــــــــي
تمتطي صهوة خيـولٍ للـوازم مسرجــــــــــات
تنطح جيوش المعادي ليـن تسبيهـا سبــــــــي
مايعرفـون التخـاذل والبيـارق عالـيـــــــــــــات
قالت اش معنى جروحك قلت عنوان اكْتبــي
ابتدت بي واعصفتبي من عصورٍ ماضيـــات
الجروح اسهام رامي والحشا مثـل الضبـــــي
جافـلٍ منهـن وهنّـه يطردنّـه ساريــــــــــــات
قالت ادله قلت من يدله عنِ جْروحـه غبــــي
كيف يدله من جروحه وسط روحه جايـرات
قالت اشقاك الغرامُ وقلت يصفَـى مشربــــي
لاتجرّعـت الغـرام بكـف سيّـدة البنــــــــــــات
قالـت العـذال دونـك والعـواذل ماتبـــــــــــي
همّهـم تفريـق شمـلِ قْلوبنـا المتوالفـــــــــــات
قلت دام الزرع زرعي والعنب صار عْنبـي
والله انّـي ماتلفّـت فالطيـور الطـايـــــــــــرات
خلّي العـاذل يمـوتِ بْحسرتـه يامكسبـــــــي
واسلكي دربٍ نحقّق فيـه اغلـى الامنيـــــات
قالت اطربني كلامك ..وين عنّـي مختبـــي
ياعسا تفـداك روحـي والسنيـن المقبــــــــلات
قم معي نبني صروح الـود يالشهـم الابـــــي
دام مقصدنا شريـفُ وْمالنـا عنّـه غنــــــــاة
وهذي القصّه مع اللي جت وقالت وش تبـي
هات علمك قول يـالله ياجريـح الذكريــــــات
الشاعر / القثامي محمد
العرض العادي
