بديت اضــيع بحبها وانجــم حيــل
في دلقس العشق الغريب المتاهات
ماكنت اظن اني ابي انطح السيل
ولاكنت اظن اني ابقطع مسافات
لين العيون العاشقه داست الليل
ولين المتيم بالهوى ذاق سكرات
ياناس انا ضايع معا نافل الجيل
الي قطفني من قصيدي عبارات
اللي عن الظلمه عطاني قناديل
الي منـور لي جمـيع المسـارات
احبها كبر السماء وازرق النيل
واحبهـا كثر البـحر والمجـرات
واحبها كثر الشعر والمواويل
واعد حبه كالامور العظيمات
اللي حروفه غير عن باقي القيل
حرفه عسل والا الشفايف خليات
مشيه دلع تشكي عظامه من الميل
وضحكه ولع للي به الحب مامات
فيه الوفاء مزروع به ريحة الهيل
ماخانني من يوم عاهد على الذات
فديت روحه ماعطى الحب بالكيل
يعطي ولا يذكر جزيل العطيات
ياخضير في صدري مثل دابك الخيل
والا معسكر فيه عدة سريات
يابو فهد مااظنها بالتساهيل
دام الصدور تضيق باسباب عبرات
ياخضير ضاقت بي سهول وعباهيل
ياخضير ضاقت بي جميع المحيطات
ولمت الزمان ولانفع لومي بقيل
ولمت الفؤاد وقال مافيه حيلات
ورفعت كفي للولي تالي الليل
ارجي يموت اللي من الهم مامات
ولو تهت في حبه وانا منجم حيل
فدوه لمن عاهد على الروح والذات
غازي مطر العفتان