طاحت على خدي دموعن غزيره
جرا سباق الدمع والخد ميدان
ياسرع محواله من اقصا نظيره
يشبه لسيلن مع هذا ليل ريضان
علا فراق الاوله والاخيره
امن حنون ولايجي دونها انسان
ماتنتعوض في كبيره صغيره
ام اللبن يالي تعرفون الاحسان
مذكور بالقران للام سيره
الوالدين اثنينهم شانهم شان
غيابها عندي مهو مثل غيره
ياكثرهم القب ياكثر الاحزان
الي نظرها من ورانا تديره
من يوم كنا صغار واليوم شيبان
وقصيرها مايشتكي والقصيره
والضيف مايقفي من البيت جيعان
تحضر الماجود ماتستشيره
تقدم الي تاجده قدر الامكان
راحت وخرمتنا عليها كبيره
يارب تجزاها بجنه وغفران
[كلمات;مساعدالميموني]