خبز الصاج في حفرالباطن

[عشق الكتابة]

السلام عليكم

اسعد الله اوقاتكم بكل خير

عندي سؤال اذا تكرمتوا وين القى مخبز يبيع خبز الصاج وياليت وصف المخبز اذا سمحتوا

والله يجزاكم خير

[سواد الليل]

فيه جبز صاج يجي جاهز ومكيّس عند محطة بترولما اللي على طريق أبو بكر

[السباحي]

حي البلدية - بين العايض لمواد البناء ومطعم الوردة .- روضة الاجيال الاهلية - بنفس المبني .مخبزين بجنب بعض ..
- اذا انت قادم من جنوب الحفر - تحط الشؤون الصحية علي يدك اليمين ووجهك شمال تعدي تقاطع وبعدها يجيك علي يدك اليسار .
- اذا انت قادم من شمال الحفر _ تحط سوق الخضار علي يمينك ووجهك جنوب وتعدى ثلاث تقاطعات وبعدها يجيك علي يدك اليمين بالزاوية

[هجرس بن كليب]

يا ستااااااااااااااار كل هذا مو قادر تحصل مخبز خبز صاج ؟؟ تسال عنه بالمنتدى ؟ يا رجل والله ضحكتني فاضي تدخل المنتدى تسال عن مخبز يوجد بكل مكان او منت فاضي او انت ماشي بالشارع تناظر بالمحلات يا رجل ؟ تراك تبالغ

[ام ود]

زي مخابز الصاج في الشمال مافيه في مغلق

[لورنس العرب]

ماعليش ياجماعة
حي الربوه كل زاويه فيها مخبز

[الحوسي3]

حي النظيم في الرياض

[أحمد بن محمد]

ليش الأستهبــال على محتوى الموضوع ؟؟

يعني تبــيه يفـتّر ويتعنا ولا يدري وين يروح ويسال فلان وفلان والمنتــدى موجود وانتم به

المفروض تطقون الصدر ،


-اسمع يالذيـــب فيه مخبز على شارع خالد بن الوليد حي الربوة والوصف ، وانت ماشي مع الستين الغربي وجهــك جنوب إلين تجيك محطة السلطان تلف يمين تمش على مهلك بتشوفـه على يمينك

-وواحد ثاني نفس الوصف بس تكمل سيدا ( ماتلف مع السلطان ) إلين تجيك مكسرات يزيد مع التقاطع تأخذ يمين ، يجي على يمينــك

-وفيه خباز للخبز المصري أنصـحك به لأنــه طيب نفس الوصــف بس الفرق تلف يسار من الإشارة ( الي عند محطة السلطان ) أول تقاطع تأخذ يـســار تمش على مهلــك بتشووفـه على يميــنك أنتبــه زين لأن المحل جحيــر مايبين ^_^

وبه العافية

[متزن]

هههه
وراكم على الرجال ياجماعة الخير ؟؟؟

الرجال يقصد خبز الصاج أي المراهيف (( باللهجة القصيمية قرصان بر ))

اولالالالات يابيي