[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كل(ن)يعيش بفرحه العيد فرحان=وانا الذي بالعيد عشت التعاسه
عيد(ن)به الفرحه تغنى بالاوطان=لكنها جتني انا بإنتكاسه
من يوم فارقني غلا الروح ياخوان=كني على جمر الغضى باقتباسه
خل(ن)غلاه بداخل الروح ماهان=نبض الغلا والشوق فيني اساسه
راح وتركني عايش(ن)وسط الاحزان=لين الحزن كون عليا حراسه
واصبحت اعاني الهم بالهم غرقان=هم(ن)تأثر داخلي بافتراسه
من سبه الفرقا بهالقلب نيران=مليت اشيل الهم ياقو باسه
من يوم فارقني غلا الروح للآن=العيد لامن عاد مابه وناسه[/poem]