المدرسة الحفراوية للشعر
نظراً لظهور بعض اسماء لمدارس شعرية ليس لها كيان
أو اساس شعري يقول مانع بن شلحاط لشاعر الهاب الوسيدي
من سكان محافظة حفر الباطن
[poem=font="Arial,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالوسيدي وش علوم الحفرويه والكراسي=كم عدد طلابها لاهنت ياالهاب الوسيدي
وش جهود المدرسة في نهاية العام الدراسي=دام الطلاب مدري ويش والناظر معيدي
هو صحيح انهم يحطون الطباشير في اتباسي=وياكلونه في الفسح وينجح الثور البليدي
أو يظنون ان لهم في المجتمع حجم وقياسي=أو تراوا للخبول ان لشعر قطبن جليدي
شعرهم بارد ولو راعيه بالنبره حماسي=ابعد من الشعر مثل العرف لدماغ الصعيدي
أدري ان به في الحفر ضلعان وجبالن رواسي=لكن أكبر شلت الوغدان محسوبن وغيدي
يالوسيدي هد مبنى المدرسة بأسلوب قاسي=هاتهم في قبضة ايدك غفس واعدمهم على يدي
مالهم لزمه مع اهل العرف بالوضع الاساسي=كنهم الفالول فوق الجلد بالوصف الزنيدي
والحفر ماعدهم سكان عبرية تكاسي=ذاك اصيل وذا كديش وذي حرار وذي عبيدي
وراحت السكره من الفكره وراعي الصدق راسي=البدو قامت تميز في الصبور من الزبيدي
[/poem]
ورد عليه الهاب الوسيدي قائلاً:-
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياصلاة الله على وجه النبي وابليس خاسي=اختفى مانع سنه واشرف علينا من بعيدي
والله اني خابر انه مايطيح الا امتواسي=ولايولع نارن الا من طرفها يستفيدي
يتلون بالكلام وطوابع والباسي=وكل يوم يواجه الجمهور في وجهن جديدي
مرتن شاعر هجوم ونوب شاعر دبلوماسي=ولايقصر بالغزل والمدح والشعر الكوميدي
وان تحدث عن هموم الشعر ياليل المئاسي=والله اني عارفن قصده وعارف وش يريدي
مانجح في هيئة أبوظبي غير انه سياسي=يدري انه لالقى الهوبر يبي يلقى الزبيدي
يوم شفته مع بخيت المعشني ياصدع راسي=كارثة شعر النبط من بعض نقاد القصيدي
يارفيقي لاتذكرني وانا مانيب ناسي=انفتح باب الهياط وقام جمهوره يزيدي
ومدرستنا وضعها طيب ولافيه التباسي=واسمها جابه من ابوظبي مندوب البريدي
وانت من قومن تدوس الراي قبل انه يداسي=لاتحاول تنطح التيار لوراسك عنيدي
[/poem]