وريــــث الجــــرح
تبعثر حلمي الفطري على كف السحاب وجيت
أبجمع من شتات الأرض بقايا حطام وجداني
لقيت الباقي عظام وقصايد مالها أي صيت
وطفوله قاسيه وجرح وجريمه مالها جاني
تفكرت بمعاناتي ولقيت أحلا العمر تشتيت
تفاءلت بفرح بكره وأنا أدري ضيوفي أحزاني
وأنا أدري مابقا وقت لجنونن يشبه لتكريت
ولكن بأجمع حطامن تناثر لأجله إنساني
حرام يضيع مفهوم الحقيقه في ذرى التصويت
حرام يخونني وقتي ويسرق روعة ألحاني
أبجمع ماتبعثر لي وأببني من حطامي بيت
لعل اللي يتوارثني يكون أرحم من إخواني
وريثي لا تبعثرها إذامات الجسد وأقفيت
توارثها وريــث الجــرح لأن الـــورث ربّاني
وأنا موادع عن الدنيا من طعون الحفر مليت
وأبترك لك على صدر الزمن ذكراي وإقراني
شعر/ وريث الجرح عادل الظفيري