مواقع الجن بالحفر , ممكن معلومات عن أماكنها

[وليف الليل]

سمعت أكثر من معلومة عن وجود أماكن يقولون إنها ممسوسة , أو فيها جن أو شيء من هالقبيل , يعني سمعت أكثر من مكان أو فيضة يقولون به جن , وحين ما جاء الجد ورحنا ما لقينا شيء .

أبي أماكن مشهورة بالحفر , يمكن أزورها ليلاً ..

[الـسـفـيـر]

فيه فيلا عند جامع العبيلان يقولون فيها جن والفيلا لها اكثر من عشر سنين على هذا الحال

[Al_mzohi]

اقتباس: المشاركة الأصلية كتبت بواسطة وليف الليل    سمعت أكثر من معلومة عن وجود أماكن يقولون إنها ممسوسة , أو فيها جن أو شيء من هالقبيل , يعني سمعت أكثر من مكان أو فيضة يقولون به جن , وحين ما جاء الجد ورحنا ما لقينا شيء . أبي أماكن مشهورة بالحفر , يمكن أزورها ليلاً ..

الله يكفينا شر الجن .. حنا واخوانا المسلمين ..

يالغلا ..
انا بذكر لك شعيب بها وبكثره . ولكنه بعيد عن الحفر .. تقريبآ 130 كم
الشعيب يسما شعيب القسومي .. ومكانه شمال ام عشر بالحجرة .

وفيه مكان ثاني حول ام الجماجم .. بالتحديد اذا بقى على ام الجماجم 5 كم وانت جاي من الحفر
تفرق يسار مع النفود .. وتشوف نقيان كبار .. يتواجدون حولهم ..

هالموقعين اللي حصل معي ولمحت جن بها .. وغيري كثير وجدوا بهالموقعين جن.

[هجمة عكسية]

شكلك ماسكة على جن

[وليف الليل]

اقتباس: فيه فيلا عند جامع العبيلان يقولون فيها جن والفيلا لها اكثر من عشر سنين على هذا الحال

جزاك الله خير , ومعلومة جديدة بالنسبة لي .

اقتباس: الله يكفينا شر الجن .. حنا واخوانا المسلمين .. يالغلا .. انا بذكر لك شعيب بها وبكثره . ولكنه بعيد عن الحفر .. تقريبآ 130 كم الشعيب يسما شعيب القسومي .. ومكانه شمال ام عشر بالحجرة . وفيه مكان ثاني حول ام الجماجم .. بالتحديد اذا بقى على ام الجماجم 5 كم وانت جاي من الحفر تفرق يسار مع النفود .. وتشوف نقيان كبار .. يتواجدون حولهم .. هالموقعين اللي حصل معي ولمحت جن بها .. وغيري كثير وجدوا بهالموقعين جن.

مشكور ولا هنت , بالنسبة للقسومي وينه عن فيضة ظلما ؟
هل هو دون البولي والمسعري ولا وراهن

اقتباس: شكلك ماسكة على جن

ولا ماسكه ولا شيء , أنا مغرم باختراق العالم الغامض , وأحب دائماً إني ابحث وأدون ملاحظاتي وأزور المواقع

[نواف التويجري]

ثق ثقة تامة ان الجن لا يرى ابداً فهو يتمثل فقط باشكال
الجن لا يُرى على صورته الحقيقية أبداً وأجمع العلماء على أن من قال أنه رأى الجن على هيئته الحقيقية كذاب فاسق تُرد شهادته
قال تعالى ( إنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ )
اما بالنسبة للمواقع فانا سمعت الكثير عن موقع للجن بالقرب من خسارة على طريق الكويت عندما تصبح خسارة على يمينك انزل صحراء تقريبا 15 كيلو كثير مانسمع عن هذا المكان والله اعلم

[Al_mzohi]

اقتباس: المشاركة الأصلية كتبت بواسطة وليف الليل    مشكور ولا هنت , بالنسبة للقسومي وينه عن فيضة ظلما ؟ هل هو دون البولي والمسعري ولا وراهن

هلا بك يالغلا ..

المكان حول هجرة النايفية .. (( ذبحه )) سابقآ
بوصفلك المكان .. تمسك طريق الرياض طول الله عمرك وتفرق من عند الذيبية .. وتدخل الذيبية كأنك رايح للدفاع الجوي .. وتمسك طريق الدفاع الجوي اللي رايح يمر بالنايفية .. ثم تعدا هجرة النايفة ماسك الخط نفسه .. بعدها يجيك شبك الرماية .. تفرق قبل لا تجي البوابة يسار ... وتمسك الخطوط الترابية قرابة 20كم الين ما تقبل على الحجرة .. وبنفس الهجرة فيه شعبان فيها طلح وسدر .. وهذا هو شعيب القسوي ..

واعذرني على التوصيف الغير دقيق ..


دمت بود يالغلا ,,,

[وليف الليل]

اقتباس: وليف الليل ثق ثقة تامة ان الجن لا يرى ابداً فهو يتمثل فقط باشكال اما بالنسبة للمواقع فانا سمعت الكثير عن موقع للجن على بالقرب من خسارة على طريق الكويت عندما تصبح خسارة على يمينك انزل صحراء تقريبا 15 كيلو كثير مانسمع عن هذا المكان والله اعلم

هلا ابو نواف ونورت المتصفح , فعلاً الجن لا يظهر بخلقته المعروفة , لكن يتمثل بالعديد من الحيوانات مثل الداب , والسدر والعوشز , ويتمثل تكرمون بالحمار , وبغيرها من المخلوقات .

أنا مرة كنت أدربل وشفت عوشزة ماهي بعيدة عننا ويوم رجعنا لمكانها ما حصلناها , فسبحان الله .

طبعاً يجب الحذر منهم أشد الحذر

وبالنسبة للموقع الي ذكرت فأتوقع إنه حول فيضة قصير بلال

[وليف الليل]

اقتباس: هلا بك يالغلا .. المكان حول هجرة النايفية .. (( ذبحه )) سابقآ بوصفلك المكان .. تمسك طريق الرياض طول الله عمرك وتفرق من عند الذيبية .. وتدخل الذيبية كأنك رايح للدفاع الجوي .. وتمسك طريق الدفاع الجوي اللي رايح يمر بالنايفية .. ثم تعدا هجرة النايفة ماسك الخط نفسه .. بعدها يجيك شبك الرماية .. تفرق قبل لا تجي البوابة يسار ... وتمسك الخطوط الترابية قرابة 20كم الين ما تقبل على الحجرة .. وبنفس الهجرة فيه شعبان فيها طلح وسدر .. وهذا هو شعيب القسوي .. واعذرني على التوصيف الغير دقيق .. دمت بود يالغلا ,,,

الآن الوصف بالملي متر وعرفت المكان , ولاهنت بيض الله وجهك

[♥ כـِـِـِّلـِـِم ♥]

الله يكفينا شر الجن .. حنا واخوانا المسلمين ..