اشكرك اخوي سعود البديري على كلامك الطيب
الله لا يهينك
وهذي قصيدة اخصها لكم قناة المرقاب وهي بعنوان :
انـحـنـت لـجـلـي بـحـور الـشـعـر و لـسـانـي لـفـيــظـ ..
مرحبا يا صاحب ٍ باقي على بيـض النوايـا
وانت لك وسط الحشا عنوان وكتاب ٍ عريض
ما لفيتك اشتكيـك الفقـر واطلبـك العطايـا
وانت مايحتاج فيك الطيب من مبطي يفيـض
اعرفك من صغر سني وانت تدري وش خفايا
فاطن ٍ للوقت والدنيـا وبـك نظـرة لحيـظ
في زمان ٍ ضاع به فكري وقفى بـه دهايـا
منتشر فيه الردى والقلب يبقى لـه رفيـض
من نطقت الشعر من صغري وثوبه من شقايا
انحنت لجله بحور الشعـر ولسانـي لفيـظ
ياصحيبي والعلوم اللي من الماضـي معايـا
واشهد ان العزم في قلبي من الماضي يهيض
استمده من فعـول الطيـب وفعـول البرايـا
في زمان ٍ ماخبرت احد ٍ سلم غير الحظيـظ
واشهد اني ارتكي له مير يطعن مـن ورايـا
والله اكبر يازماني عشت بك كنـي مريـض
اشتكتك اوجاع همي واشتكت منـك الحنايـا
والعمر لامنه اقفى وين اللقـا لـي عويـض
في طريق ٍ لا مشيته مات من بعـدي ظنايـا
من ضماه ومن قليل الحظ والجهـد الغليـظ
لان هالوقت انعكس به مثل ماتعكس المرايـا
كل شي ٍ .. واصبح اللي ما بغيته لك فريض
في زحام الرزق واكباش الفدا بيـن الخطايـا
تلقى فيه ان الردي للاجـودي دايـم يغيـض
فيه منهـم مـن فقدعقلـه وترويـه الحكايـا
من حكاها من ندم واصبح على يدينه عضيض
يالله اني داخل ٍ بك يا مـلاذي عـن ظمايـا
من توجه في طريقك انت دايـم لـه حفيـظ
فواز بن حمدان البذالي