اصحاب الماركيز فزعتكم !!!

[عـــز الخوي]

السلام عليكم ورحمة الله وبركاته

شباب انا عندي فورد قراند ماركيز 2005 وناوي اركب شاشات اماميه تحتوي على بلوتوث وجارمن

وجي بي اس بالموتر مع شاشتين خلفيه ابي محل يركب لي ويبيع علي الشاشات بس يكون شغله

مضمون وما يسبب خرابات بالكهرب تكفون اللي مركب بموتره نفس اللي قلته يذكري المحل وين واذا

تنصحوني بمحل خارج الحفر قوليلي .

واللي عنده الشاشه هذى يسدح سعره ,

نخيتكم شباب اللي يعرف المحل يقولي وين ،،،،،

[الفارس]

هلابك ... عز الخوى
اسمك جدا عاجبنى
بالحفر لا اعلم لي ولا اسكنه
ما اعرفه يوجد محل بالرياض معروف اسمه " رد كاب " بشارع الضباب باتجاه الشمال
أو هناك محلات بالغرابي تجد فيها الانواع والاشكال والخبرات
التركيب بجميع السيارات سهله جدا
تحتاج إلي شاشات اصليه وغير تقليد وهى غاليه على فكره

ويمكن الشباب يفيدونك عن الموجود بالحفر
موفق خير


ِ

[عـــز الخوي]

هلابك اخوي الفارس

مشكور على مرورك وماقصرت على المعلومه

وترا لقبي ( ( عز الخوي )) من عرفت الجوالات والانترنت هو لقبي ومن ناحية اللقب اذا تامر عليه ابشر ياخلفهم ،،،

[محمدالحسني]

في محل اللامي بالسوق عند الزينة مضمون

[العزيزيه (ب)]

اخوي فيه محل انا مركب عنده شاشه للهلي مالتي شغل حلو وع ضمانه
ومكانه بجانب الامي على اليصار
=== تقبل مروري

[عـــز الخوي]

اخوي الغالي ( العزيزيه ب ) شكرا على المرور

بس بسالك وش اسم المحل اللي ركبت عنده الشاشات ،

[العزيزيه (ب)]

ابشر اخوي اليوم امر من عنده واشوف اسمه لان والله اسمه صعب وشوي وانصحك فيهم تراهم نصوحين ويعرفون للكهرباء

[أبوفيصل]

بحفر الباطن أخي الكريم لن تجد فنان كهربائي بمعنى الكلمة إلا يبون يخربون لك الكهرباء ..

الحل عند شارع الغرابي بالرياض ...أفهم بالكهرباء ..أرخص أسعار ..


وشكراً

[ابو ابراهيم]

والله نصيحة لوجه الله ابعد عن الشاشة اذا مهي مضمونة من الوكالة

شف كم جمس وجيب ويوكن احترقو والسبة ضعف اسلاك التمديد وادى الى احتراق الظفيرة


انا انصحك بعدم التركيب الا في الوكالة فقط

[العنزي2009]

محل العالميه شغل نظيف واسعار حلوه وشاشات مضمونه ضمان محل وسعره ارخص ويعطيك عروض بس تغلى عليه شوي
انا عندي يوكن ومركب الشاشات عنده
وانت بس روح عنده وقل ارسلني ابو محمد صاحب الانفوي الفضي وشف اهم شي كلم واحد سمه محمود او حماده حول هالاسمين وبالتوفيق