[align=center]السلام عليكم[/align]
[align=center]هذي الله يحييكم ويسلمكم ويخليكم لعين ترجيكم قصة زوج وزوجته كانوا عايشين في قمة الرومانسية والحب، وكانت الزوجة مدرسة وراتبها زين (مع الاعتذار لجميع الإخوة ممن زوجاتهم مدرسات).
وهذا الزوج جاء يوم من الأيام وهو طفران .. ما هنا زود دراهم الله يخلف، وحصل زوجته توها مستلمة المعاش, وهو اللي ينبسط. ويوم طلعت من البيت، نقز للدرج اللي فيه الدراهم .. ولقط سبعة آلاف ريال فقط لا غير. المهم عرفت زوجته .. وزعلت، وطلعت لبيت أهلها ونادت أخوها اللي دعس ببطنه وما خلى فيه عرق صاحي، والله لا يوريكم .. لكن الزوج بعد ماصحى وصحصح، قال هالقصيدة اللي كلها شجن وعاطفة بعد ما هجرته زوجته بدون عودة. أتمنى تنال اعجابكم و لكم تحياتي: [/align]
[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
1 لـي زوجـة حبـه يتـل المعالـيـق=عرسي عليها العـام بـاول شباطـي
2 من روحتـه والـزاد بالبيـت ماذيـق=ولا اميـز العلـم القـوي والخراطـي
3 بياض وجهه مـن بيـاض الغرانيـق=وخدودهـا ياخـوي مثـل الطماطـي
4 والصدر يزهابـه عـذاب العشاشيـق=والردف زامي فوقـة الخصـر واطـي
5 ومدرسـه مـع زيـن كـل التخاليـق=وزود علـى هـذا تعـرف الخياطـي
6 وجابت رويتبهـا وصفقـت تصفيـق=تسـعـة الاف كلـهـن بالمغـاطـي
7 وصكـت عليـه بغرفتـه بالصناديـق=وغطت علـى صندوقهـن بالبساطـي
8 وديتهـا تشـري قــدور وابـاريـق=وانا انطلقـت للبيـت يـم الشناطـي
9 واخذت سبعـة الاف معهـن تلاحيـق=وخليت انا الف وخمس معهن افراطـي
10 عرفت وقالـت عنـدك اليـوم ماليـق=واللـة لوتربـط برجلـي اربـاطـي
11 وانا عرفـت انـي توهقـت توهيـق=يااللـة يـارب اتهديـن الصـراطـي
12 وقالـت لخوهـا كـل شـي بتوثيـق=وجاني حـلال القـوم راع النشاطـي
13 ثمن ضربني ضربـة تيبـس الريـق=وقـام وفرشنـي فرشتـه للسماطـي
14 وقـام يتوطـانـي بلـيـا ترافـيـق=ويرجـد علـي ويمسحـن بالبلاطـي
15 وا وجس بصدري عقب ضربه حشاريق=قمـت اتنفـس عقبهـا مـن اباطـي
16 لي تسعة ايـام وانـا بـي تشاهيـق=عجزت اسولف كـن فينـي اصقاطـي
17 براسـي صعاريـر اسـواة الزرانيـق=ومضـارب بالبطـن مثـل المقاطـي
18 ولا ضاق صدري قمت اجمع طوابيـق=و الى توسـع قمـت اجمـع قواطـي
19 انا احمد اللة بـدّل الضـوق بالضيـق=والهـم مـن راسـي نـزل للمواطـي [/poem]