بالشعر ابترجم اللي يدرك احساسي
وابصخر القاف للي هرجه اعذوبه
وان كان ماطاعني ماني وانا الراسي
لخلي النار بالقيفان مشبوبه
بالله وشلون راسك يابعد راسي
جاني خبر فيك وانا دون مشذوبه
وكبيت ربعي وشلت الطير عفاسي
لو قالو الناس راح لعين رعبوبه
ماهمني هرجهم والين القاسي
انتي حياء قلبي اللي ساقني صوبه
وشلون ابجلس وانا ماطاب مجلاسي
ماطاب حال المحب انا طاح محبوبه
ضاقت بي الارض ثم ضاقن الانفاسي
اقوم نوبه واطيح بحسرتي نوبه
لعل يفداك شيخً طيب الساسي
من روس قومً لعرق الطيب منسوبه
ويفداك من حطله بالطيب نبراسي
راعي ادلال لها النيران مجذوبه
اعروق قلبي على لاماك يباسي
يالدرة اللي من الالماس مصبوبه
من روس قوم بوقت الدرع والطاسي
وقت الملاقاء نهار الكون محسوبه
انتي دواء الراس لامن صابه اعماس
وانتي دوى القلب والاجال مكتوبه
وانتي حقيقة نظر عيني وهوجاسي
وانتي لروحي كما زادة ومشروبه
ان كان لي ناس فانتي ربعي وناسي
وانتي مسيرة حياة العمر وادروبه
سلام مني لراسك يابعد راسي
ياصل لدار الكويت لعين رعبوبه
الرااسي