زما مزن (ن) من القبله وحـده مـن خـلاه خيّـال
يتلـه طـاري بيـوت ٍ علـى الصـمـان ملفـاهـا
على ديرة .. هلي .. ربعي .. ذراي اليا شكيت الحال
هل الشـدات والفزعـات سـاس الطيـب مجناهـا
بني عمي اليـا قالـوا بنـي عمـك اقـول اهـوال
حشى مايلحق الباغي علـى الطـارف مـن ادناهـا
مدام ان الشيوخ اللي علـى روس العـرب هـم ال
يخيـب الهاقـي اللـي مانشـد عنهـا وش اقصاهـا
جبال ٍ مـن جبـال ٍ خلفـت عقـب الجبـال جبـال
كـذا يبقـى مـع الدنـيـا سلايلـهـا ومجـراهـا
طحاطيح ٍ علـى المركـا زحـول ٍ ساعـة الافعـال
شيـوخ ٍ لا زمـا وجـه الـكـلام وزان مركـاهـا
وسقـاك الله يـادار ٍ بـشـرق محقـبـه تخـتـال
فعـول ٍ خـلّـد التـاريـخ بالله كـيـف ينسـاهـا
مـن ام قريـن للخمـه اليـا درب ٍ لقطتـه مـال
نحـر وجهـه شمـال وقـال هـذي مـن بقايـاهـا
ديـارٍ لـو تبـي تنطـق تقـول اسكنتهـم ابـطـال
عليهـا وش خـلـد قصـيـد الـمـدح وادمـاهـا
مـدام مطيـر ياخبـل ٍ تجيـب العلـم زود خـبـال
تربـع عرشهـا فـوق الشمـوخ وطـال مسراهـا
فلا تبكـي مـن الدنيـا ولا تشكـي علـي احـوال
فعايلـن مــن الاول عـلـى التـالـي جردنـاهـا
لنا في ماكـر الامجـاد مجـد ٍ صـار عـز ظـلال
ولنـا يمكـن يجـي الفـيـن نــادر ماجحدنـاهـا
نحط الراس فـوق الـروس ياربـي لـك الإجـلال
انا من قـوم مايقـرب لهيـب القيـض مـن ماهـا
تبي تسمع اجل اسمع قصص واضرب بهـا الامثـال
اهل عشـر ٍ غـدو جيـش ٍ علـى ركـب ٍ تعداهـا
تبي تسمـع بعـد اسمـع وعلـق صـورة الاجيـال
تذكـر طايـره طاحـت بيمنـى مطـيـر مثـواهـا
تبي تسمـع بعـد اسمـع وصـور هـزت الزلـزال
تزلـزل تحـت قطعـان اليـوم الـلـي لحقنـاهـا
وانا مطيري واعرف ان الـدلال الصفـر ذيـك دلال
ولكـن جــدد الفنـجـال واقــدع لا تحـراهـا
لصاروا عز والعـزه علـى روس الرجـال رجـال
اجل لا تقعـد تـردد عـلـوم ٍ مـنـت ويـاهـا
للشاعر سلطان الاسيمـر الصعيـري
المواضيع المتشابهه
العرض العادي
