شروط شراء ارض بالحفر

[الباسمه]

السلام عليكم ورحمة الله وبركاته
اشكر جهودكم المبذوله في هذا المنتدئ الرائع
عندي استفسارات اتمنئ تردو عليها وتتحملوني شويه
اذا كنت بشتري ارض وانا لست من سكان الحفر لكن اتردد عليها واريد ارض في حدود ال100 الف ونازل
واتمنئ اقدر ابيعها بعد سنه
على حسب خبرتي المتواضعه اذكر انه اراضي المحمديه كانت بحدود 50 الف والحين حسب ماقريب بمنتداكم الراقي وصلت قول ال150
هل هناك فرصه للشراء بالمحمديه ولربح نفس الارتفاع لسابق والا بالعربي راحت علي
اي نوع من الأراضي؟؟ فيه سكنيه واستثماريه
انتظر ردكم بفارغ الصبر واتمنئ لكم التوفيق
أي حي؟
ملاحظه: لست سعوديه انا من الخليج ؛)
انتظر ردكم ومشورتكم

[ايكو]

عليكم السلام ورحمة الله وبركاته

الارتفاع كله مضاربه والاسعار الان تخوف

الاسعار مبالغ فيها جدا

والان فيه ركود بالعقار

فيه ثلاث مخططات راح تتوزع الفتره القريبه 7500 ارض راح تساعد في نزول سعر الاراضي بقوه

لا انصح بالشراء الاستثماري حالياً

بالتوفيق

[الذيب الوايلي]

والله راحت عليك خيتي

الاسعار الان فوق 150000خاصه المحمديه

لكن لازالت هناك فرصه خاصه انك تريدين البيع بعد سنه

باذن الله لن تخسري ابد

10000 مارايح تحصلين بالمخططات القريبه

الا طريق الرياض

ممكن الاخوان خبراء العقار يفيدونك اكثر

والله هو الرزاق الكريم

الاستشاره طيبه ومخاب من استشار

[الرقيب المناوب]

بآذن الله فيه نزول وبقوه بس لاتستعجل الان ركود مع نزول خفيف من بعد رمضان .

واذا كنت مصمل فيه ارض في مخطط المحمديه 11 / ح مساحه 400 متر شارع 18 شرقي حد 100 كدر

للمعلوميه الخليجي مايبيع الا بعد اربع سنوات من الشراء

[HAFRAWY]

أكيد كويتية هههههههه
ما يبي لها كلام


المهم الأراضي بحفر الباطن
ارتفعت خلال السنوات الآخيرة إلى أرقام تعتبر فلكية
في بعض الأراضي

والمحمدية بالذات أرتفعت
بشكل ملحوظ كون الحي يشهد تدفق الكثير
ويشهد طفرة عمرانية

والـ 100 ألف أعتقد
من الصعب الحصول على أرض داخل الأحياء
المعروفة بحفر الباطن

لكن نصيحة لك
والله لا تطوفك القيصومة
فيها أراضي أقل من الـ 100 ألف
وصدقيني راح ترتفع وتضرب فوق خلال سنة أو أكثر بقليل
كون جميع مناطق المملكة تشهد إرتفاع عالي في سعر الأراضي


إلحقي على القيصومة
والله أعرف شخص قريب مني إشترى أرض فيها
بمبلغ حدود الـ20 ألف قبل الثلاث أو اربع سنوات الأن سعر
الآرض بحدود الـ100 ألف والله على ما أقول شهيد : )


المهم لا تنسيني من
السعي أو شسمه هذاك أو أي شي يطلع منك
علشان نصيحتي : )

[الباسمه]

اخوي ايكو الف شكر
بس لوسمحت اذكر اسماء المخططات الجديده او متى بتنزل على الاقل
وشاكره مرورك




الذيب الوايلي تقصد انه لو اشتري مثلا بالمحمديه ب 100 راح ترتفع بعد سنتين او ثلاث كوني صعبه ابيع من السنه الاولى؟؟
ويعطيك العافيه


اخي .. الرقيب الركود الحالي يشجع انه نشتري !!!
وبخصوص الارض اللي بالمحمديه بكم؟؟ وهل انت المالك المباشر
وشاكره لك نورتني الله ينور عليك





واخيرا وليس آخراً: حفراوي

على وزن جهراوي يجرح ويداوي ههههه هذي مشهوره عندنا بالكويت
الحين ارتحت
اختكم كويتيه
وعلى ماقيل خليجنا واحد ... وشعبنا واحد
المهم بخصوص القيصومه ماظن عاد فيها اراضي بحدود ال30 او 40
واذا فيه تبخلون علينا
شاكره مرورك

[ايكو]

المخططات الجديده ماتنفعك بشي انتي

لأنها بدون صك ولا يحق لمالكها بيعها الا بعد البناء

لكنها تنفعك في حاجه وحده

الي هي توجه الاستثمار بالمخططات الجديده يركد سوق المخططات القديمه

من باب العلم (( مخطط محاذي لمخطط التلال وعدد القطع 2500 قطعه ومخطط على طريق الكويت وعدد القطع 2500 قطعه ومخطط على طريق الرياض وعدد القطع 2500 قطعه هذي المخططات انتهت الان اجراءاتها وباقي التوزيع فقط ))

نظره قريبه لسوق اراضي عرعر بعد نزول 17 الف ارض بالنظام الجديد الذي يمنع تملك الارض الا بعد البناء نرى انخفاض ملحوظ بأسعار الاراضي عندهم بما لا يقل عن 30% الان

واحتمال انخفاض العقار اكثر بعد شروع الملاك بالبناء فيه لوفرة العرض وقلة الطلب

وبالتوفيق