رد: منفذ الرقعي ؟؟؟؟؟؟ كـــبـــر الــشـــق اكــــبــر من الــرقــعـــه
اقتباس:
المشاركة الأصلية كتبت بواسطة عاشق انور دبيان
الى متى الى متى الى متى يامنفذ الرقعي ليعلم الجميع ان المنفذ هو الواجهه الاولى للدوله يعني المفروض يكون باحسن حال لانه في زوار من مختلف الجنسيات ويرون الوضع المزري والسيء بهذا الحال اتمنى اتمنى الاقتداء بمنفذ السالمي .للمعلوميه مو مره ولا مرتين ولا عشرين يكوون منفذنا المرقع بهذا الشكل السيء. المفروض يفتحوون فندق بودل بنفس الجوازات لكي يرتاحون المسافرين فعلا انقطاعات بالجمله سواء جمارك ام جوازات بغض النظر عن الازدحامات والتنظيم الغير حضاري.
وش معنى بودل كان قلت فندق . أي فندق.
وكلامك على متمه أخوي أنا جيت منه بعد نهاية الامتحانات مباشرة والناس طالعة من الكويت إجازة وسياحة كويتيين وأجانب وزحمة غير طبيعية والسبب ربعنا نايمين .
تخيلوا موظف واحد مسكر البوابة وداخل الباص يفتش عليهم . والباص وراه باصات والسيارت الصغيرة واقفة تنتظر حضرته وجلسنا ثلاث ساعات .
رد: منفذ الرقعي ؟؟؟؟؟؟ كـــبـــر الــشـــق اكــــبــر من الــرقــعـــه
ياليت يا اخوي تحدد المشكله اذا كانت الانقطاعات الخاصه بالكمبيوتر مو بس منفذ الرقعي حتى الحديثة والبطحاء اذا كانت المشكله بدورات المياه القذرة عاااادي حتى منفذ الحديثة قذر ، بعدين فيه رقم للشكاوي الظاهر 940 ( ماني متاكد ) دق عليهم واشتك اما الشكاوي خلف الشاشات فلا اظن انها تنفع
للمعلوميه مرة انقطع على المنفذ الكويتي الكميوتر تقريبا حول 20 دقيقة ( ترى حنا افضل السيئين ) احمد ربك
رد: منفذ الرقعي ؟؟؟؟؟؟ كـــبـــر الــشـــق اكــــبــر من الــرقــعـــه
من يقول منفذ هذا معتقل أسلاك شائكه وكامرات وبوابات حديديه وبوابه كهربائيه ومطبات الله يستر من تقبل يضيق خلقك وأنت مسافر ومستانس بسفر لا وفوق هذا نوبه كامله مافيها لا موظف واحد. مختصر الكلام لا حظ الفرق بين منفذ الخفجى والرقعى تجد الفرق (يعنى هم بشر وحنا أستغفر الله)