موسم الوزغ في البيوت الآن

[نواف التويجري]

مليون هلا وغلااااااااا اخواني واخواتي مرتادي عاصمة الربيع
وصباح النور
حقيقة متعود اكتب في الديوانية مواضيع بالعامية لانني احس ان قسم الديوانية تحتاج الى الكتابة بالعامية على اساس نبعد عن الرسميات
بصراحة درعن علينا في الاستراحة البريعصيات اللي اسمها في اللغة العربية الوزغ
وهذي صورته واللي اسميه التمساح الصغير بس التمساح ابرك وانظف منه بكثير
^
^
^



وكل انسان ما يحتاج نسأله عن كرهه لهذا المذكور اعلاه
ومن فينا من الرجال والحريم ماعمره ماطارد هذا التمساح بالمكنسة او السكتون او اكرمكم الله بالزبيرية وطرررررراخ ياتصيب ياتخيب او انه كسر اللمبة ولا صابه وبعض البريعصيات تموت من الخوف من صياح الحرمة وهي منحاشة منه
وطبعا الكل عارف ان هذا موسمه الله لا يحييه
اول شيء نتعرف على هذا الكائن :
عن أبي هريرة ـ رضي الله عنه ـ قال: قال رسول الله صلى الله عليه وسلم
( من قتل وزغا في أول ضربة كتبت له مئة حسنة ، وفي الثانية دون ذلك ، وفي الثالثة دون ذلك )

قال الدميري -رحمه الله-: من طبعه أنه لا يدخل بيت فيه الزعفران، وتألفه الحيات، ويبيض كما تبيض الحيات.
وقد ورد الأمر بقتله في عدة أحاديث صحيحة في البخاري ومسلم، منها ما روته أم شريك -رضي الله عنها-: "أن النبي -صلى الله عليه وآله وسلم- أمرها بقتل الأوزاغ"، وسماه -صلى الله عليه وآله وسلم- فويسقاً، لما في طبعه من الضرر والأذى.

قال الشيخ العلامة ابن عثيمين رحمه الله : أما قتل الوزغ فإنه سنة وفيه أجر عظيم قد أخبر النبي صلى الله عليه وعلى آله وسلم أنه كان ينفخ النار على إبراهيم حين ألقي فيها ثم أن فيه مضرة وأذى وأصواتا قبيحة مكروهة.


فيه طرق تستخدم في قتل وهروب الوزغ راح اذكرها واللي عنده معلومات ينورنا بعد :
يقولون قشور البيضة لما نحطها في مكان يكثرن فيه البريعصيات على طول ينحاش منها وسبب هروب البريعصي لانه يعتقد ان هذا البيض بيض افعى فينحاش على طول ولا يقرب
وفيه طريقة تبخير البيت باللبان لانه يكره هذة الريحة فانه يا ينحاش من الغرفة او انه ينصرع
ويقولون زيت السيارة لما تحط منه شوي على الشباك على طول ينحاش ولا يدخل
وعندكم طريقة بعد قتله بالسكتون مع اني ما انصح بهالطريقة لانها تبيلها قناص << ياما كسرت لمبات البيت بسبب الرمي العشوائي
والطريقة الدارجة الحين وضع سم الجرب هذي الطريقة ممتاز في بداية الصيف بس خطرة على اللي عندهم مشاكل تنفسية وللاطفال الا لما ترش البيت من السم يبيلك تهجر البيت 3 ايام
ولا اوصيكم اللي يلقى بريعصي طررررررراخ على طول خلونا نقضي على التمساح الصغير وناخذ اجر







اخوكم / نواف التويجري

[خــ ج ــل]

زين الصوره اللي حاطها مو صورة ضب؟؟؟

والله عاد شفت بريعصي عند الباب الخارجي جان انحاش وهو ينحاش هههههه

[نواف التويجري]

اقتباس: المشاركة الأصلية كتبت بواسطة خــ ج ــل    زين الصوره اللي حاطها مو صورة ضب؟؟؟ والله عاد شفت بريعصي عند الباب الخارجي جان انحاش وهو ينحاش هههههه

الا صورة ضب بس قطع 10 <<< عاد وش يفهمها
بالله لقيتيه قبل شوي ؟!!
على فكرة ترى بريعصيات الحفر تجي حتى للبيوت النظيفة لان اساساً ما تخاف من البلدية وعارفة ان ماعندها احد كل بيت جديد الحين لازم جنبه زبرة وحوسة حديد عليها <<< بين المواطن والمسئول

ممتاز شفتي البريعصي عند الباب وانحشتي وانحاش كويس هذة طريقة جديدة للقضاء على البريعصيات وسجلوها يا اخوان حطوا صورة حرمة عند الباب اتحدى البريعص يقرب
لا تصدقون بس اتوقع ياخجل ان سبب هروب البريعصي انك خجل وهو انخجل منك وانحاش هههههه
ثانكس على المداخلة

[شموخ النوايف]

وانت صادق هذا وقتها من شدة الحر تدخل البيوت تدور البراد <<< يعنني جايبه معلومة ^_^
وبعدين الله يهداك كان كاتب الموضوع بدون صورة المذكور أعلاه هع...وربي شكله يلوع الكبد ...
وبالنسبة للاجر مااظن باخذ من وراه أجر هع لان بهج وبخلي المكان له يسرح ويمرح فيه ...

[خــ ج ــل]

اقتباس: المشاركة الأصلية كتبت بواسطة نواف التويجري    الا صورة ضب بس قطع 10 <<< عاد وش يفهمها بالله لقيتيه قبل شوي ؟!! على فكرة ترى بريعصيات الحفر تجي حتى للبيوت النظيفة لان اساساً ما تخاف من البلدية وعارفة ان ماعندها احد كل بيت جديد الحين لازم جنبه زبرة وحوسة حديد عليها <<< بين المواطن والمسئول ممتاز شفتي البريعصي عند الباب وانحشتي وانحاش كويس هذة طريقة جديدة للقضاء على البريعصيات وسجلوها يا اخوان حطوا صورة حرمة عند الباب اتحدى البريعص يقرب لا تصدقون بس اتوقع ياخجل ان سبب هروب البريعصي انك خجل وهو انخجل منك وانحاش هههههه ثانكس على المداخلة

من جد يعني فيه بريعصي جذي كبير ماشاء الله رابي عدل..

والبريعصي امس الفجر شفته في مثل هذا الوقت وانا بجانب الباب اتمشى ههه حلوه وتلقط عيني بعينه ووينج يالنحشه خفت يلصق فيني صراحه وين اروح عاد اذا اهلي دروا انه لصق فيني اطردوني برااااا

[نواف التويجري]

اقتباس: المشاركة الأصلية كتبت بواسطة شموخ النوايف    وانت صادق هذا وقتها من شدة الحر تدخل البيوت تدور البراد <<< يعنني جايبه معلومة ^_^ وبعدين الله يهداك كان كاتب الموضوع بدون صورة المذكور أعلاه هع...وربي شكله يلوع الكبد ... وبالنسبة للاجر مااظن باخذ من وراه أجر هع لان بهج وبخلي المكان له يسرح ويمرح فيه ...

هههههههه بالله البريعصيات جايه للبيوت تدور البراد اجل بنطفي المكيفات ونشغل الدفايات
ياذكية هي ما تطلع الا في الحر معناها لو طلعت في البرد تموت الله يصلحك لا تدهورينا بمعلوماتك
بعدين كيف تنحاشين منه انا اخبر الحريم يخافن من الصرصور اكثر من الحرامي والبريعصي
وبالنسبة لصورته اللي تلوع الكبد !!!
اساسا مصيرك راح تشوفينه على الطبيعية بالعكس الصورة ابرك
شكرا لك

[شموخ النوايف]

بالنسبة لمعلومتي انت فهمتها غلط مو ذنبي هع ودايم اسمعها من الناس الكبار بالسن ^_^..
وبعدين ش دخل المكيفات بالموضوع هع !! انا قصدي بتدخل البيوت يعني تلقاها على السور او في الحوش يعني بأي مكان فيه ظل وما يكون متعرض لاشعة الشمس ...هذا اللي اقصده بالبراد <<<احترت شلون اعبر لك هههههه المهم تبي معلومتي خذها ماتبيها هاتها وانسى موضوعها هههههه ويادار مادخلك وزغ قصدي شر هههههههه

[نواف التويجري]

اقتباس: المشاركة الأصلية كتبت بواسطة شموخ النوايف    بالنسبة لمعلومتي انت فهمتها غلط مو ذنبي هع ودايم اسمعها من الناس الكبار بالسن ^_^.. وبعدين ش دخل المكيفات بالموضوع هع !! انا قصدي بتدخل البيوت يعني تلقاها على السور او في الحوش يعني بأي مكان فيه ظل وما يكون متعرض لاشعة الشمس ...هذا اللي اقصده بالبراد <<<احترت شلون اعبر لك هههههه المهم تبي معلومتي خذها ماتبيها هاتها وانسى موضوعها هههههه ويادار مادخلك وزغ قصدي شر هههههههه

بسالك سؤال راح تلقين الاجابة
لماذا الوزغ لا يخرج الا في الصيف ؟
مثله مثل الحشرات يخرجن في الصيف ؟
لانها لو خرجت في الشتاء لماتت
وجلد الوزغ ليس فرو بل هو طبقة رقيقة
بعدين دخوله للبيت هو من اجل البحث عن الاكل ووجبته الحشرات الصغيرة ودخول الاماكن القذرة اكرمكم الله
اما عن تواجده في الظل فهو حال الضب يخرج في الصيف وعند ارتفاع الحرارة بشكل لا يطاق يلجا الى الظل
وللمعلومية ترى الوزغ لما يهاجمه احد هو يتعمد يقطع ذيله على اساس ينحاش ومع الوقت ينبت له ذيل ثاني بس عادة يكون اصغر من الذيل الاول
ثانكس

[شموخ النوايف]

يوووووووووووووووووووووه نوااااااف انا فاهمه وهذا اللي اقصده من البداية انه من شدة الحر يدور مكان يندفس فيه بس انت الله يهداك طولتها وهي قصيرة <<< كأنها عصبت هع
المهم انه موسمها وخلاص...والله يفكنا منها هع
وتقبل مروري

[نواف التويجري]

اقتباس: المشاركة الأصلية كتبت بواسطة خــ ج ــل    من جد يعني فيه بريعصي جذي كبير ماشاء الله رابي عدل.. والبريعصي امس الفجر شفته في مثل هذا الوقت وانا بجانب الباب اتمشى ههه حلوه وتلقط عيني بعينه ووينج يالنحشه خفت يلصق فيني صراحه وين اروح عاد اذا اهلي دروا انه لصق فيني اطردوني برااااا

ايه عادة يطلع من جحوره لما يكون فيه رش للحوش يعني احد يغسل حوشه
او تكثر الحشرات الصغيرة يطلع يتغذى عليها
وبريعصيات الحفر سمينة وكبيرة لان الحشرات واجد
شكرا لك