ابنعـزل عـن جملـة النـاس واروح
..........................يمدينـي اطلـع عـن غبـار المدينـه
يمديني اطلع وارقب الرجـم وانـوح
...........................ممـا بعينـي عـــبــرةٍ مستكيـنـه
جاوبت تغريد القميري علـى الـدوح
......................والدوح غصـنٍ يـابــسٍ مـن سنينـه
يا قلب ياللي طـول الايـام مجـروح
...........................طـاف القطـار وفاختـتـك السفيـنـه
يافوح كبـدي فـوح فـوحٍ على فـوح
...........................فـوح الـدلال المكرمـات الثميـنـه
تناوشنـي وابعدنـي عـن الـشـوح
...........................سمـر الليالـي والعـدود الضنيـنـه
لو ان لي حمراء من الهجن سرسوح
.............................الحـره اللـي كـن فيـهـا مكيـنـه
كان استرحت وشايف درب مصلـوح
..........................صحصاح قـاع ولا مقـام الغبيـنـه
الى عـطت مع خــايـعٍ خـاليٍ ســـوح
.........................مثل الرعـد يبـرق وتسمـع رطينـه
والى انثنت مثل السحابـه لهـا ضـوح
.........................والا الطمـوح اللـى تحـرى جنينـه
ماودي اجرح خـاطــرٍ ضامه البـوح
........................حزين واثر فـي الصـدور الحزينـه
محمد الفهاد