[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
[align=center]خليتها بين احتياج الوقت وظروف الظنون=والامنيات اللي تعبت اسعى لاجل آصلها
مابين ايه وبين لا وبين كان ولايكون=يمكن مع الايام يبطي او يعجل حلها
ماكنت احسب ان الهقاوي واعتقاداتي تخون=لكنها خانت براعيها وهو ياماالها
غاراتها زادت وطابعها التمرد والجنون=واهدافها ماهي طبيعيه وقلبي ملها
تعبت وادموعي تعاتبني على بأس العيون=اللي توقف سايل الدمعه لاجيت آهلها
ويأست من كثرالدروس اللي تغني للدقون=مااحس فيها بالنجاح ولو عرفت آحلها
استسرعت بي عقرب الساعه ودق التيلفون=اللي عشقت ارقامه بنفسي وقام ايذلها
احيان ياكبرالدهر واحيان ياصغر المتون=واحيان ياصعب الدروب اللي هواك ايدلها
لوبينت من ضحكت احلام الفتى بيض السنون=يسرج لها خيل الاماني والعقود ايحلها
تعبت اجاري سيرة الواقع وانا كلي ديون=مدري متى رجلي دروب ايامها تسهلها
لوغنت ايامي على شتى تقاسيم اللحون=ينبض لها عرقين والثالث بحزنه تلها
يمكن على باب الرجا دقيت لوماني زبون=لكن عيني ماتخايل بارق مابلها
ياقلب دام انك علي تشره فأنا يمكن امون=ارجوك ياقلب العنا لاعاندتني قلها
يانفسي ان طال السفر ترى الخلايق يقصرون=وانتي يطول ابك المسير بدقها
وابجلها
مااقول غير اني طلبتك نوم في ليلة سكون=خلي ستاير راحتي وقت العنا يسدلها
خليني اسلا واستريح من التوجد والطعون=مليت من بعض الظروف اوالصراحه كلها
لكن على الله يامقاديري وحظن مايهون=تضوي لهن شمس الحياه برغبة تأملها
مالي رجا الا فيك يامن له عباده يركعون=نفسي بحاجة مغفرتك ورحمتك تنزلها
والا العرب مااشكي لهم حالي وابيهم يفزعون=اموت مااحتجت العباد وجيت ادور ظلها
عزيز قومن ماسهر جفني من الناس مغبون=عريب جد وكل زلات الردى
مازلها
ياناشديني عن معانيها لماذا تسألون=الحر ياصل مايبيه وصيدته يشتلها
وانا مغنيها ولا ابيهم وراي يرددون=سيوف فكري كل مانادت علي اسلها
هذي سحايب هاجسي هلت هماليل المزون=يرعد ويبرق فكرها واحلا الطروق تهلها
اما تسيل وادي الغايات بأحلا مايكون=والا يجف السيل وافياض الرجا مابلها*****[/align][/poem]
العرض العادي
