[frame="7 80"][poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حبيبة القلب خانتها بطاقتها = وانا انتظر ردها والنوم ماجاني
لوصار عندي خبر فكيت حرجتها = واهديتها عن (سواء) جوال مجاني
ماني براضِ تهل اليوم عبرتها = وانا اعرفن البكاء.. كله على شاني
مزوينةِ زينها من ساس جدتها = ماغيرت شكلها بصباغ والواني
كن القمر والكواكب وسط لبتها= والعنق وصفه كما كرسي سليماني
مافي جميع الخلايـق مثـل صورتهـا= فريـدةٍ فالوصايـف مالـهـا ثـانـي
من أخمص قدمها الى أعلى شي هامتها= قطعة ذهب والبهاء صحـه فالابدانـي
سبحان من زاد في قلبي معزتها = معزتن فاقت القاصين والداني
ياما وياما سهرت الليل حشمتها = ابدع قصيد الغزل واجر الالحاني
وليا تسمعت فالجوال نغمتها = أنسى همومي واعيش بعالمن ثاني
اخطرت بالمـوت كلـه مـن محبتهـا=الموج عاتي واخاف يصيرطوفانـي
ارجـوك ياعاذلـي دعنـي وسيرتهـا=تعـال واضمـد جروحـي ياكحيلانـي
يمكن نجـدد هـواء ليلـي وقصتهـا=اللي تذكر لنا مـن مـاض الازمانـي
نواف بن عبدالعزيز بن رازن[/poem][/frame]