إخواني وأخواتي الأعضاء
هذه القصيده أول مره أنشرها رغم كثرة طلبها ... ومن أجلكم أعرض قصائدي رغم خوفي عليها من السرقه
وخصوصا ً وأنها لا تحمل إلا التوقيع واللقب .....
وهذه القصيده تحكي عن ( إن الطيّب فالماضي كانت تتفاخر فيه القبيله بأسرها واليوم الطيّب أول من ينهش بلحمه
أقرب النااااس له ..... وكأن مدحه مسبّه لغيره ) دنيا عجب دنيا عجب 
وهذه القصيده تحكي عن الواقع اكثر من أنها تحكي عني شخصيا ً ... فلكم أبياتها وعسى ان تجد الرضا والقبوووول
[poet font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
قال من قافه على المثبت يتمّه= من خواطر عاقل ٍ ما هو ربوشي
أزعجت فكري اخبول ٍ مستسمّه= بالردى متطبعه طبع الجحوشي
لا بغيت الطيب ما منهم يزمه= مالهم بالطيب درب ولا طروشي
أدوختنا قطعة أدباش ٍ امسمّه= كنها ثيران مربوطه ابحوشي
وغثني خبل ٍ مقاويسه تخمه = مبتلي ناس ٍ لهم باع ٍ وهوشي
مبتلي بالهرج حتى اعيال عمه= مثل خبل ٍ يوم عرس أمه يلوشي
لا قعد والسالفه لو ما تهمه= إعترضها بالهروج اللي تدوشي
وإن تكلم إنسرد ما صك فمّه= وفي سواليفه يلهمدله اوحوشي
وهو سفيه ٍ عيشته غيبه ونمه= كلب مجلس لا يهش ولا ينوشي
وذاك ذيخ ٍ نافخ ٍ بالكذب جسمه= يحسبن الطيب في كبر الكروشي
لو تشوفه قلت يا ويش المطمه= وإن بخصته طير وكري ٍ مروشي
ما يسرك لو تبي بالعود لقمه= مخنز ٍ فعله وبالهرجه حروشي
يحسبن الناس تجهل في مجمه= يحسبن الناس تجهل بالكدوشي
وعزتي للي تبوع ٍ دوم لأمه= لا يشار ودوم للأريا عطوشي
ولا يهمه لو تبيع الناس دمه= وللمذله في صفا خده انقوشي
هاض فكري يوم قلبي زاد همه= وإفتكرت ابوقت ما أظنه بشوشي
وقت ٍ أقشر مختلط همه ابغمه= وإنتكس سبة مهابيل ٍ دبوشي
والرجل مغزاي ما ظني يذمه= والردي تلقاه بالمجلس يكوشي
وأحمدالله منزلي بالكود قمه= يوم ردي النفس مزبانه عشوشي
يوم كل ٍ طيب مرجلته يلمه= ما شرينا الطيب في كثر القروشي
شاريين الطيب بأوقات ٍ مهمه= يوم راع الفعل يظهر والنحوشي
ولا فتلت القاف وفي قصدي أعمه= ولا تجي الشكات يا كود الدبوشي
إستوت والناس في خير ٍ ونعمه= يوم عاش الذيب في وسط الكبوشي
الوطني
[/poet]
العرض العادي
