ياصاحبي لاتشتكي الوقت والحال

[عاشق حفراويه]

ياصاحبي لاتشتكي الوقت والحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

ما انت الوحيد اللي شكى الوقت و الحال
و ما انت الوحيد اللي له الوقت جافي

اكذب عليك ان قلت لك خالي البال
ياما مشيت الدرب و النور طافي

همي بقلبي يالخوي اتعب الحال
دمعي بعيني رقص اليوم قافي

انت الرفيق اللي بهالكون ما مال
لا ضاق صدري منهم القاك لافي

ترى غلاك اليوم ثابت و لا زال
و لا عاد ابي ربع القلوب المقافي

خذني يمينك وابشر بذرب الأفعال
لأمشي معك لو وين كان انجرافي

أقسم قسم انك على الراس تنشال
خذ من قصيدي وشوف جل اعترافي



وسلامتكم

منقوول

تحياتي
عاشق حفراويه

[قلـ رهيف ـبي]

عآشق حفرآيه

تسلم لى اناااملك على الطرح

الصراحه رووعه القصيده في قمه الروووعه..

يعطيييك العافيه

نتريا الزؤؤؤؤد

تقبل مرووري

[ناجي الحفراااوي]

صح لسانك ياغالي

وسلم بنانك على هذا النقل الجميل

لاهنت وشكراً لك..

[بسكن حفر الباطن]

صح لسااااااااااااااااااااانك

ولي طلب ابي قصيده غزل قوووووووووووووويه

[عايض المريخي]

[align=center]صح لسانك

ولسان شاعرها

يعطيك العافيه ع النقل

دمت بخير[/align]

[عاشق حفراويه]

شاكر مروركم جميعا
قلبي رهيف/ ناجي الحفراوي/ فارس المطيري
ويعطيكم العافيه جميعا
اما اخونا الي طلب قصيده غزليه
ابهديله هالقصيده

مرّه من الطنخه ومرّه من الطيـش
كم من شقى مريت والقلب حاشـه
ومرّه نويت اسج للقلب بشويـش
اصور الواقع على جـال جاشـه
واثر الهموم اتصب وتفيض واطيش
وترّث على قلبي سـواة الغباشـه
ياناقشه حبش على القلب وش فيش
ماترحمين الـي يحبـش اخشاشـه
يومش خذيتي من الحلا ما يوليـش
على معاليـق الخفـوق ومشاشـه
يا ام العيون اللي هدبهـا مراييـش
والخد انعم مـن جنـاح الفراشـه
لو تجتمع كل البني مالهـن قيـش
زينش يعـرض زينهـن للطماشـه
تاقف بيوتي دون وصفش يالبيـش
وشوفش يسبب للخفوق اندهاشـه
يا غايبه عني وانـا عادلـي فيـش
عظمي من فراقش كلته الهشاشـه
في غيبتش قلبي عروقـه معاطيـش
وانتي سبايـب موتتـه وانتعاشـه
بالله عودي وازرعي قلب مغليـش
يحيا بش الخافـق ويلقـى معاشـه