دولة الاشواق قصيده اوصلتني للنهائي في مسابقة قصيدة التحدي على قناة فواصل
والذي حصلت فيها على المركز الثالث اتمنى تنال اعجابكم
سهر وجد ودجى ليل ..وهواجس واردة واوراق
$$ تعانق زحمة آمال ..وقصيدٍ حل في حينه
وانا بيني وبين الحزن مع طول المدى ميثاق
$$وانا ماخالف الميثاق مابيني ومابينه
دروبي لو تحاصرني بقيد الضيق والارهاق
$$ فدالك ياعيوني والامل ينعاد تكوينه
حبيبة قلبي اللي تسكنينه // دولة الاشواق
$$عليك اغار من همس النسيم ومن رياحينه
قبل ماعيش حبك واحضنه ..// ياوحشة الخفاق
$$. خلا من كل شي ..وكل حي ..ولا لاحد عينه
انا صدري قبل جية غرامك مظلم الاعماق
$$ الاياصدر.. ما زار الخفوق الا محبينه
هلا ياشمس حب.. وعانقتني باجمل الاشراق
$$اهني فيك حتى هالصباح اللي تمرينه
حضرتي واهلا وسهلا هنا في قلبي التواق
.$$ وجيتي ياسعادة هالظلام اللي تضوينه
تعالي في سماي و في ظماي .. بلهفة العشاق
$$ فداك الشعر واطلاله ولوحاته وتلوينه
انا مليت من [[رجوى السحاب ]]ونوظة البراق
$$كبير الحلم.. لو الغيث ..طالت رحلة سنينه
معك يارحلة الدرب الطويل بخطوة المشتاق
$$ وحيدٍ والامل ماضعت عن سكة عناوينه
سنيني مامضت دام السنين لموعدك تنساق
$$ واناباسامحك حتى ولو هالعمر تلغينه
وابي دايم معك .. يا بوصلة حبي على الاطلاق
$$انا ما جيب طاري بُعد.. وانتي لاتطرينه
قصيدي فيك عربون التحدي .. يعجب الاذواق.
$$واذا اعجبك القصيد بذوق من حقي.. تحفظينه
اخووكم غنمان الغانم