[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
والله إني منتظر لزين صورة=بس أنا عشرين صورة في خيالي
كل أبوهن يرضن الحسن وغروره=وش يظن أهل الغلا في شخص غالي
من كلامه والبلاغة في سطوره=من سموه ما رضا غير المعالي
في حياته كاسبن من العلم ثوره=من سلك دربه تحلا بالمثالي
من بغى وصفه ترى تعطيه دوره=بالمعاني والأدب شهر وحوالي
من حديثه عارف القلب وشعوره=مابقى لي لا جواب ولا سؤالي
والله انه من حضر سجل حضوره=دون الإعجاب في فكري وبالي
درت انا بالأرض شفت الأرض كوره=وش عليها؟ ما عليها من جمالي
ما دريت أن القمر فوقي بنوره=نبهني للقمر بيض الليالي
ماهوى كسرى ولا ضمت قصوره=بالزمان اللي مضى مثله غزالي
في عيونه سحر هاروت بعصوره=يصرعن الأقويا بين الرجالي
والردوف يحوطن للخصر سوره=يشتكي من ضيمهن في كل حالي
للربيع بخده الورد وزهوره=ياسقاك الله ياريف الشمالي
والبرودة تندمج وسط الحر وره=السنون من البرد في جمر صالي
ريقها السكر تقطر في بحوره=ترتوي من عقب العطش صفر الرمالي
والصدر تفاح عند اول صدوره=خالطن عطره رياحين المفالي
والشعر من فوقها دوره ودوره=وين ماهب الهوى والريح مالي
لو يشوفه كافرن سلم اموره=واهتدى للحق من عقب الضلالي
ذا كلامي سجله وأحفظ سطوره=واذكر اسمي خطاط المقالي[/poem]
المحامي مشعل القصيدة ع العموم جميلة وياليتك توضح ذلك للقراء لأن أنت تعرف ذلك ولكن اذا وضحت ذلك متأخر فذلك يحسب عليك كسر ويقال أتى به متأخراً . . . شكراً لك